جنگ کے خواہاں نہیں لیکن دشمن کی جارحیت کا منہ توڑ جواب دیں گے، شیخ قاسم
شیعیت نیوز: حزب اللہ لبنان کے ڈپٹی سیکریٹری جنرل شیخ قاسم نے کہا ہے کہ لبنانی عوام کو یقین ہے کہ حزب اللہ ہمیشہ ان کے ساتھ رہے گی اور حزب اللہ نے لبنانی عوام کی مدد کے لئے اپنے تمام وسائل کو استعمال کیا ہے۔
انہوں نے لبنان کے نور ریڈیو سے گفتگو میں کہا کہ پچھلے ہفتے حزب اللہ کی طرف سے صیہونی حکومت کو دیا جانے والا جواب ، ایک منصوبہ بند کارروائی تھی اور حزب اللہ کبھی بھی لبنانی عوام کو اپنے سیاسی مفادات کی تکمیل کے لئے ڈھال کے طور پر استعمال نہیں کرتی ۔
شیخ نعیم قاسم نے کہا کہ کچھ لوگ جو فتنہ پیدا کرنا چاہ رہے تھے ، انہیں ناکامی ہوئی ۔ ان کا اشارہ دروزیوں کے شویا گاؤں میں کچھ لوگوں کی جانب سے حزب اللہ کے خلاف محاذ آرائی کی کوشش کی طرف تھا۔
یہ بھی پڑھیں : آل خلیفہ کا کوئی خوف نہیں، آل رسول (ص) کے لئے بحرینی عوام کی شاندار عزاداری
انہوں نے بتایا کہ لبنان اسلامی استقامت کے مخالفین دو طرح کے ہیں ایک وہ لوگ ہیں جو سیاسی نظریہ رکھتے ہیں اور ان کا کہنا ہے کہ حزب اللہ تمام لبنانیوں کی نمائندگی نہیں کرتی اور دوسرے وہ لوگ ہیں جو رات دن امریکہ و اسرائیل کے منصوبوں پر عمل در آمد کے لئے تگ و دو کرتے رہتے ہیں۔
انہوں نے کہا کہ لبنان کے تمام مسائل کی جڑ ، اس ملک کو امریکہ و اسرائیل کے تسلط میں واپس لے جانے کی کوششیں ہیں اور حزب اللہ اس طرح کی ہر کوشش کے سامنے کھڑی ہے۔
حزب اللہ کے ڈپٹی سیکریٹری جنرل شیخ نعیم قاسم نے لبنان میں ایندھن کے بحران کا بھی ذکر کیا اور کہا کہ ایران سے پیٹرول اور ڈیزل در آمد کرنے کے لئے ضروری اقدامات کر دیئے گئے ہيں مگر اس میں تھوڑا وقت لگے گا۔
انہوں نے آخر میں کہا کہ اگر دشمن کو بھرپور جواب نہ دیا جاتا تو وہ ہمارے خلاف تاحال جارحیت جاری رکھتا کیونکہ وہ ایک ایسی منحوس حکومت ہے جو بارہا لبنانی خودمختاری کی خلاف ورزی کر چکی ہے جبکہ لبنانی سپوتوں کے بغیر کوئی لبنان کی حفاظت نہیں کر سکتا۔
