حکومت افغانستان کی بگڑتی صورتحال پر ہوش کے ناخن لے، علامہ اعجاز بہشتی

شیعیت نیوز: مجلس وحدت مسلمین کے مرکزی سیکرٹری یوتھ اور امام جمعہ کچورا علامہ اعجاز حسین بہشتی نے کچورا میں جمعہ کی خطبے میں حکومت پاکستان کو طالبان اور موجودہ ملکی صورتحال کے حوالے سے خبردار کرتے ہوئے کہا ہے کہ افغانستان میں عالمی قوتیں ایک دفعہ پھر خون کی ہولی کھیلنا چاہتی ہیں اور اس کا اثرات پاکستان پر پڑنا شروع ہوگئے ہیں لہٰذا حکومت ہوش کے ناخن لے اور ملکی امن امان اور غیرملکی افراد کی سیکیورٹی کو یقینی بنائے۔

یہ بھی پڑھیں: عزادار ہوشیار، تکفیری مساجد میں اسلحہ بارود کی زخیرہ اندوزی پکڑی گئی، 2دہشتگرد گرفتار

علامہ اعجازبہشتی کا علاقائی صورتحال پر گفتگو کرتے ہوئے کہنا تھا کہ جنت نظیر وادی گلگت بلتستان میں اس وقت سیاحوں کا رش ہے اور اس دوران حکومت کی جانب سے سیاحوں کی سہولیات کے حوالے سے کوئی خاطر خواہ پیشرفت نظر نہیں آتی اور ہوٹل مالکان کی من مانی اور ہوشربا قیمتوں کی وجہ سے سیاح کافی پریشان نظر آتے ہیں لہذا ذمہ داران اس حوالے سے اپنا کردار ادا کریں۔

یہ بھی پڑھیں: آل پاکستان زیارات گروپ آرگنائزرز کی وزیر مذہبی امور پیر نورالحق سے ملاقات ،زیارات مینجمنٹ پالیسی پر تحفظات کا اظہار

علامہ اعجاز بہشتی کا مزید کہنا تھا کہ گلگت بلتستان آنے والے سیاح اس علاقے کی ثقافت اور تہذیب کا خاص خیال رکھیں اور دوسروں کی تہذیب کا ادب کرنا آداب معاشرت میں آتا ہے حکومت کو بھی اس حوالے سے اقدامات اٹھانے کی ضرورت ہے تاکہ یہاں کی اسلامی تہذیب اور ثقافت کا وقار برقرار رہ سکے۔