اہم ترین خبریںپاکستان

مدرسے میں طلباء کے ساتھ جنسی زیادتی میں ملوث مولانا فضل الرحمن کا قریبی ساتھی مفتی عزیز الرحمن بیٹوں سمیت پولیس کے ہتھے چڑھ گیا

شیعیت نیوز : پنجاب پولیس نے چھاپہ مار کاروائی کے دوران لاہور سے مفرور جمیعت علمائے اسلام کا مرکزی رہنما اور مولانا فضل الرحمن کا قریبی ساتھی مفتی عزیز الرحمن کو میانوالی سے جبکہ اس کے تینوں بیٹوں کو لاہور سے گرفتار کرلیا گیا ہے۔
لاہور پولیس کے ترجمان عارف رانا کہ مطابق مفتی عزیز الرحمٰن، ان کے تین بیٹوں اور دو نامعلوم افراد کے خلاف 17 جون، 2021 کو ان کے طالب علم صابر شاہ نے تھانہ شمالی چھاؤنی لاہور میں ایف آئی آر درج کروائی تھی، جس کے بعد مفتی عزیز الرحمٰن میانوالی فرار ہو گئے تھے۔

ایس ایس پی، سی آئی اے شعیب خرم جانباز نے صحافیوں کو بتایا کہ ’مفتی عزیز الرحمٰن اور ان کے تینوں بیٹوں کو گرفتار کر لیا گیا ہے۔ ان کے تینوں بیٹوں الطاف الرحمٰن، عتیق الرحمٰن اور عطا الرحمٰن کو سی آئی اے کی ٹیم نے ماڈل ٹاؤن اور کینٹ کے علاقوں سے گرفتار کیا گیا۔‘

آئی جی پنجاب انعام غنی نے اپنے ٹوئٹر پر ان کی گرفتاری کی تصدیق کی۔ صابر شاہ کے ساتھ ’بدفعلی‘ کی ویڈیو چند روز قبل سوشل میڈیا پر وائرل ہوئی تھی۔

اپنی ایف آئی آر میں سوات کے رہائشی صابر شاہ نے بیان دیا کہ مفتی عزیز الرحمٰن نے 2013 میں ان پر اور ایک اور طالب علم پر الزام لگایا کہ انہوں نے اپنی جگہ کسی اور طالب علم کو بٹھا کر امتحان دلوایا اور ان پر تین برس کے لیے وفاق المدارس میں امتحان دینے پر پابندی لگوا دی۔

بیان کے مطابق منت سماجت کرنے پر مفتی عزیز الرحمٰن نے ان سے کہا کہ اگر وہ ان کے ساتھ بدفعلی کریں اور انہیں خوش کر دیں تو پھر وہ سوچ سکتے ہیں۔

بیان میں مزید کہا گیا کہ اس کے بعد مفتی عزیز الرحمٰن انہیں بدفعلی کا نشانہ بناتے رہے اور بلیک میل کرتے رہے۔

صابر کا کہنا ہے کہ انہوں نے مدرسے میں بھی شکایت کی لیکن ان سے کہا گیا کہ ایسا نہیں ہوسکتا، جس سے مایوس ہو کر انہوں نے ویڈیوز بنانی شروع کیں اور وفاق المدارس العربیہ کے ناظم اعلیٰ مولانا حنیف جالندھری کو ثبوت کے طور پر بھیجیں جس کے بعد مفتی عزیز الرحمٰن نے انہیں مارنے کی دھمکی دی۔

بیان کے مطابق صابر شاہ کا کہنا ہے کہ کچھ روز قبل جب ان کی ویڈیو کسی نے وائرل کر دی تو ان پر خوف طاری ہو گیا اور نتیجتاً انہوں نے خود کو نقصان پہنچانے کی ویڈیو بنائی

اس کے بعد مدرسے کی انتظامیہ اور مہتمم نے تین جون، 2021 کو مفتی عزیزالرحمٰن کو برخاست کر دیا۔

متعلقہ مضامین

Back to top button