فلسطینی بیت المقدس کی حمایت کے لئے پرعزم ہیں، سید حسن نصر اللہ
شیعیت نیوز : حزب اللہ لبنان کے سربراہ سید حسن نصر اللہ نے المنار ٹی وی کی تاسیس کی مناسبت اور اپنی خیریت و عافیت کا اعلان کرتے ہوئے کہا ہے کہ فلسطینی بیت المقدس کی حمایت کے لئے پرعزم ہیں اور اسرائیل کے وزیر اعظم اپنا اقتدار ختم ہونے کے پیش نظر کسی احمقانہ آپشن کی تلاش میں ہے۔
حزب اللہ کے سیکریٹری جنرل سید حسن نصر اللہ نے خبردار کیا ہے کہ حکومتی بحران جاری ہے اور ہماری نیز نبیہ بری کی کوششوں کے باوجود بحران طول پکڑ رہا ہے ۔
سید حسن نصر اللہ نے اپنی خيریت اور عافیت کے بارے میں نگرانی و تشویش پر اپنے حامیوں اور دوستوں کو اطمینان دلاتے ہوئے کہا کہ میں خیر و عافیت سے ہوں اور میں اپنے تمام دوستوں کو اطمینان دلاتا ہوں کہ میں صحت و سلامتی سے ہوں۔
انہوں نے عبوری حکومت سے مطالبہ کیا کہ وہ معاشی دباؤ کم کرنے کے لئے کوئي اقدام کرے اور اس کے ساتھ ہی کہا کہ اگر ہم ایران سے ایندھن لے آئیں گے تو حکومت ہمیں روکے گی جب کہ وہ خود کہیں سے ایندھن کے انتظام پر قادر نہیں ہے ۔
سید حسن نصر اللہ نے اسی طرح قبل از وقت انتخابات یا پارلیمانی انتخابات کو مؤخر کرنے کی تجویز کو مسترد کر دیا ۔
یہ بھی پڑھیں : یورپ اور برطانیہ میں بڑھتا اسلاموفوبیا، مسلم برادری میں تشویش کا باعث ہے، سجاد کریم
سید حسن نصر اللہ نے المنار ٹی وی چینل کے یوم تاسیس کے موقع پر اپنی تقریر میں کہا کہ جو کچھ فلسطین اور بیت المقدس میں ہو رہا ہے اس پر پوری امت کو توجہ دینا چاہیے نہ کہ صرف فلسطین کو ۔ سید حسن نصر اللہ نے کہا کہ اسی طرح تمام فلسطینیوں کو میدان میں آنا چاہیے جیسا کہ وہ کرتے آئے ہيں اور ہمیں ایسے حالات پیدا کرنا چاہیں جن میں یہ یقین دلایا جا سکے کہ بیت المقدس کے خلاف جارحیت ، علاقائی جنگ کا باعث بنے گی ۔
لبنانی ٹی وی چینل المنار کے یوم تاسیس کے موقع پر ایک تقریب سے خطاب کرتے ہوئے سید حسن نصراللہ کا کہنا تھا کہ مجھے پوری امید ہے کہ ہم سب مل کر مسجد الاقصی میں نماز ادا کریں گے۔
انھوں نے کہا کہ ہمارے فلسطینی بیت المقدس کی آزادی کے سلسلے میں پرعزم ہیں۔ انھوں نے کہا کہ المنار کا اصلی ہدف فلسطینی تحریک اور انتفاضہ کی حمایت کرنا ہے اور اس سے ظآہر ہوتا ہے کہ المنار ٹی وی فلسطینی ٹی وی ہے ۔ المنار ٹی وی در حقیقت فلسطین اور یمن کے مظلوم مسلمانوں کی آواز ہے۔
سید حسن نصراللہ نے کہا کہ بیت المقدس اور مسجد الاقصی کا مسئلہ پوری امت کا مسئلہ ہے۔
انہوں نے کہا کہ فلسطینی قوم مسجد الاقصی کے دفاع کے لیے پرعزم ہے اور امت مسلمہ کو ان کی بھرپور حمایت کرنا چاہیے۔
یہ بھی پڑھیں : اگر جنگ ہوئی تو اسرائیل کو جہنم میں تبدیل کر دیں گے، حزب اللہ رکن حسن البغدادی
حزب اللہ کے سربراہ نے واضح کیا کہ ہمیں ایک ایسے کینہ پرور، احمق اور بحران زدہ دشمن کا سامنا ہے جو اپنے اندرونی بحرانوں سے نجات پانے کے لیے آگے آگے بھاگتا ہے۔
انہوں نے کہا کہ صیہونی حکومت کے وزیراعظم بن یامین نیتن یاہو نے ہر احقمانہ آپشن استعمال کیا ہے اور اس پر گہری نگاہ رکھنے کی ضرورت ہے۔
یمن پر سعودی جارحیت کا ذکر کرتے ہوئے سید حسن نصراللہ کا کہنا تھا کہ یمنیوں کے خلاف امریکہ اور سعودی عرب کی جارحیت ناکام ہوچکی ہے۔
انہوں نے کہا کہ امریکہ اور سعودی عرب جنگ یمن سے نکلنے اور زیادہ سے زیادہ مراعات حاصل کرنے کی تگ و دو میں مصروف ہیں۔
سید حسن نصراللہ نے کہا ہے کہ ہمیں روز اول سے یمنی قوم کی استقامت و پائیداری اور فتح کا پورا یقین تھا۔
حزب اللہ کے سربراہ نے جنگ یمن بند کرانے کی امریکی خواہش اور دعوے کو گمراہ کن قرار دیتے ہوئے کہا کہ واشنگٹن جنگ کا خاتمہ لیکن یمن کا محاصرہ جاری رکھنا چاہتا ہے۔
