ظالم کے الیکٹرک سے کوئی پوچھنے والا ہے، یا اسے بےلگام چھوڑ دیا گیا ہے، علامہ ناظر تقوی

شیعیت نیوز: شیعہ علماء کونسل پاکستان صوبہ سندھ کے صدر علامہ سید ناظر عباس تقوی نے کہا ہے کہ شہر کراچی میں غیر اعلانیہ لوڈشینڈنگ نے عوام کا جینا مشکل کردیا ہے، رات ہوتے ہی پورا شہر تاریخی میں ڈوب جاتا ہے، ساتھ ساتھ کے الیکٹرک نے کراچی کی عوام کو اضافی بلوں کے وائرس میں مبتلاء کردیا ہے جبکہ عوام پہلے ہی ایک جان لیوا کورونا وائرس کے عتاب میں مبتلاء ہیں، اس وقت تمام کاروبار بند ہیں، اسکول اور انڈسٹریاں سب بند ہیں، لوگوں کے گھروں میں کھانے کو نہیں ہے، عوام فاقوں کی زد میں ہے۔

یہ بھی پڑھیں: شہدائے سانحہ مسجد علی رضاؑ کے ورثاء17 برس گذرجانے کے بعد بھی انصاف کے منتظر ہیں، علامہ حسن ظفر نقوی

ان کا مزید کہنا تھا کہ حکومت نے عوام کو فاقوں سے بچانے کے لئے ریلیف فنڈز قائم کردیا ہے لیکن کے الیکٹرک کو کسی بات کی کوئی پروا نہیں ہے اور نہ ہی انسانیت کا کوئی احساس ہے، کیا ظالم کے الیکٹرک سے کوئی حساب پوچھنے والا ہے، یا اسے بےلگام چھوڑ دیا گیا ہے کہ وہ جتنا چاہے کراچی کی عوام پر ظلم کرلے، کے الیکٹرک کی بدمعاشی کا یہ حال ہے کہ وزیراعلیٰ سندھ کے احکامات کو بھی کسی خاطر میں نہیں لاتی، اس ادارے نے عوام کو اضافی بلوں کی وجہ سے مزید پریشانی میں مبتلا کردیا ہے۔