یمن میں جنگ بندی سے متعلق کوششوں میں ناکامی، مارٹن گریفیٹس کا اعتراف

شیعیت نیوز : اقوام متحدہ کے خصوصی ایلچی مارٹن گریفیٹس نے یمن میں جنگ بندی سے متعلق کوششوں میں ناکامی کا اعتراف کرلیا۔

فارس نیوز ایجنسی کی رپورٹ کے مطابق یمن کے امور میں اقوام متحدہ کے خصوصی ایلچی مارٹن گریفیٹس نے جنگ بندی کے تعلق سے مایوسی ظاہر کرتے ہوئے اپنے مشن کی ناکامی کا اعتراف کیا ہے۔

صنعا ایئرپورٹ پر ایک پریس کانفرنس سے خطاب کرتے ہوئے انہوں نے کہا کہ اقوام متحدہ مکمل جنگ بندی، لوگوں کی آزادانہ آمد و رفت، یمن کے لئے ضروری اشیا کی ترسیل اور فریقین کے درمیان سیاسی عمل کو پھر سے شروع کئے جانے کے لئے ثالثی کا مشن لے کر آئے تھے۔

یہ بھی پڑھیں : سعودی نواز تکفیری وہابی دہشت گردوں کا بلوچستان میں سیکیورٹی اہلکاروں پر حملہ 4، شہید 8زخمی

انہوں نے فریقین کے درمیان مذاکرات کے پھر سے شروع کئے جانے کے بارے میں ایک سوال کے جواب کہا کہ اس بابت مجھ سے زيادہ کوئی دوسرا مایوس نہیں ہو سکتا۔

مارٹن گریفیٹس نے کہا ہم نے ڈیڑھ برس کے دوران اپنا بہت زيادہ وقت ایسے امور پر صرف کیا ہے کہ جن کا بیان کرنا بہت آسان ہے، جنگ بندی ، صنعا ایئرپورٹ کو دوبارہ کھولے جانے، الحدیدہ کی بندرگاہ کو فعال بنانے اور پھر سے سیاسی عمل شروع کئے جانے میں بہت دیر ہو چکی ہے۔

یہ بھی پڑھیں : طاقتور فلسطین ابھر کر سامنے آ چکا ہے، اسرائیل کازوال زیادہ دور نہیں، ایرانی کمانڈروں کا بیان

صنعا حکومت کا کہنا ہے کہ سعودی اتحاد فوجی معاملات کو انسانی مسائل سے نتھی کرکے، یمنی عوام کے خلاف جاری محاصرے کو مکمل طور سے اٹھائے جانے اور جنگ کے مکمل خاتمے کی مخالفت کر رہا ہے۔

واضح رہے کہ جارح سعودی-یہودی-امریکی فوجی اتحاد کی جانب سے یمن پر مسلط کی گئی ہولناک جنگ کو 7 سال مکمل ہونے کو آئے ہیں جبکہ اس دوران دسیوں ہزار بے گناہ یمنی شہری شہید اور لاکھوں زخمی ہو چکے ہیں۔