امام خمینیؒ کی عالمی انقلابی تحریک مستقبل کے عالمی اسلامی انقلاب کی نوید سنا رہی ہے، علامہ مقصود ڈومکی

شیعیت نیوز: مجلس وحدت مسلمین پاکستان کے مرکزی ترجمان علامہ مقصودعلی ڈومکی نے رہبر کبیر حضرت امام خمینیؒ کی 32 ویں برسی کی مناسبت سے کہا ہے کہ حضرت امام خمینیؒ فنا فی اللہ اور فنا فی الاسلام کی منزل پر فائز تھے اسی لئے عظیم انقلابی رہنماء، فیلسوف آیۃ اللہ باقر الصدر ؒ نے فرمایا تھا کہ امام خمینی ؒ کی ذات میں اس طرح ضم ہوجاؤ جیسے وہ اسلام میں ضم ہوچکے ہیں۔ یعنی اپنی انا اور ذات مٹا کر انہوں نے خود کو دین خدا میں فنا کر دیا ہے۔

یہ بھی پڑھیں:پاکستان کی تاریخ کے بدترین سانحہ مسجد وامام بارگاہ علی رضا ؑ کراچی کو 17 برس بیت گئے، مجرم آزاد

علامہ ڈومکی نے کہا کہ امام خمینی ؒ نے ایرانی قوم کو شاہ کی طاغوتی حکومت سے نجات دلائی جبکہ اقوام عالم کو شیطان بزرگ امریکہ کے خلاف قیام کا درس دیا۔آپ ؒ نے عصر حاضر کی انسانیت کو خواب غفلت سے بیدار کیا اور انہیں شیطان بزرگ اور طاغوت کے مقابل کھڑے ہونے کا حوصلہ دیا۔آپ نے قرآن و سنت کی روشنی میں اسلامی حکومت قائم کرکے فقیہ عادل کی حاکمیت پر مبنی نظام ولایت فقیہ کو عملی جامہ پہنایا۔

یہ بھی پڑھیں: پنجاب میں شیعہ ٹارگٹ کلنگ اور عزاداروں کا شیڈول فور میں ڈالا جاناایک ہی سازش کی کڑی ہے، علامہ سبطین سبزواری

انہوں نے کہا کہ امام خمینی کے انقلابی افکار آج عالمی انقلابی تحریک بن کر وقت کے فرعون یعنی شیطان بزرگ امریکہ اور شیاطین عالم کے لئے خوف کی علامت بن چکے ہیں۔ جو دنیا بھر کے مظلومین کے لئے امید کی کرن بن چکے ہیں۔ یہ عالمی انقلابی تحریک مستقبل کے عالمی اسلامی انقلاب کی نوید سنا رہی ہے۔ جو عالم بشریت کے نجات دھندہ حضرت امام مہدی آخر الزمان علیہ السلام کے استقبال کے لئے خود کو تیار کر رہے ہیں۔