غزہ کی پٹی پر اسرائیلی وحشیانہ بمباری کے خلاف دنیا بھر میں مظاہرے جاری
شیعیت نیوز: فلسطین کے علاقے غزہ کی پٹی پر اسرائیلی فوج کی ریاستی دہشت گردی اور وحشیانہ بمباری کے خلاف دنیا بھر میں احتجاجی مظاہرے جاری ہیں۔ گذشتہ روز کئی عرب اور یورپی ممالک میں فلسطینیوں کی حمایت اور اسرائیلی فوج کی وحشیانہ بمباری کے خلاف مظاہرے ہوئے۔
غزہ میں اسرائیلی بربریت کے خلاف لندن میں ہونے والے مظاہرے کے دوران ہزاروں افراد نے اسرائیلی سفارت خانےکی جانب بڑھنے کی کوشش کی۔
سیکڑوں امریکی شہریوں نے نیویارک میں اسرائیلی سفارت خانے کے سامنے مظاہرے کئے ہیں۔
یہ بھی پڑھیں : غزہ میں اسرائیل جنگی جرائم کا ارتکاب کررہا ہے، ماہرین اقوام متحدہ
سوشل میڈیا پر فلسطینیوں کی حمایت میں مظاہروں کی اپیل پر سیکڑوں افراد نیویارک میں اسرائیلی سفارت خانے کے سامنے جمع ہوئے اور انہوں نے غزہ پر صیہونی حکومت کے مجرمانہ حملوں کی مذمت میں نعرے لگائے۔
رپورٹ کے مطابق مظاہرین کی بڑھتی ہوئی تعداد کو دیکھتے ہوئے پولیس نے تمام رکاوٹیں ہٹادیں اور پوری سڑک مظاہرین سے بھرگئی۔ مظاہرین کا کہنا تھا کہ اسرائیل کا خاتمہ قریب ہے۔
ایک اور اطلاع کے مطابق ریاست میشیگن کے شہر ڈیٹرویٹ میں بھی ہزاروں افراد نے فلسطینیوں کی حمایت اور صیہونی حکومت کے جرائم کی مذمت میں مظاہرے کیے ہیں۔
یہ بھی پڑھیں : اسرائیل پر حماس کے راکٹ حملوں کو جائز سمجھتا ہوں، صدرمملکت عارف علوی
ایک بڑا احتجاجی مظاہرہ ارجنٹائن میں ہوا جس میں ہزاروں افراد نے حصہ لیا۔ مظاہرین نے ہاتھوں میں پلے کارڈ، بینرز اور کتبے اٹھا رکھے تھےجن پر غزہ کی پٹی میں اسرائیلی وحشیانہ بمباری روکنے کے لیے نعرے درج تھے۔ مظاہرین نے غزہ کی پٹی میں اسرائیلی بمباری روکنے کے لیے نعرے لگائے۔
اس موقعے پر مقررین نے خطاب کرتے ہوئے عالمی برادری، اقوام متحدہ اورسلامتی کونسل پر زور دیا کہ وہ فلسطینیوں کے خلاف جاری صہیونی جارحیت کی روک تھام کے لیے موثر اقدامات کریں۔
ادھر تونس میں اسرائیلی سفارت خانے کے قریب ایک بڑا مظاہرہ کیا گیا۔ اس احتجاجی مظاہرے کا اہتمام ایک بائیں بازو کی جماعت کی طرف سے کیا گیا تھا۔
مظاہرے میں اسرائیل کو فاشٹ اور نسل پرست ریاست قرار دیتے ہوئے اسرائیل کو فلسطینیوں کے اجتماعی قتل عام کا ذمہ دار قرار دیا۔
اس کے علاوہ پاکستان، فرانس، جرمنی، اسپین، جنوبی افریقہ، بیلجیئم، انقرہ، بغداد اور لبنان سمیت دنیا کے کئی شہروں میں اسرائیل مخالف ریلیاں نکالی گئیں۔
