آئی ایس او کےتحت کراچی کےکھلے سمندرمیں منفردالقدس کشتی ریلی کا انعقاد

شیعیت نیوز: مسلمانوں کے قبلہ اول مسجد اقصیٰ پر صہیونیوں کے غاصبانہ قبضے اور مظلوم فلسطینیوں سے اظہار یکجہتی کیلئے کراچی میں امامیہ اسکاؤٹس نے کیماڑی میں کشتی ریلی نکالی۔ ریلی میں موجود کشتیوں کو فلسطینی اور پاکستانی پرچموں سے سجایا گیا تھا۔

ریلی میں امامیہ اسکاؤٹ کے جوانوں نے باوردی شرکت کرکے مقبوضہ کشمیر اور فلسطین کے مظلوم سے یکجہتی کا اظہار کیا۔ ریلی میں ماہی گیروں نے بھی شرکت کی اسرائیل اور بھارت کے خلاف نعرے۔

اس موقع پر آئی ایس او کے رہنماؤں کا کہنا تھا کہ آج کی یہ ریلی تحریک آزادی فلسطین کے مقبول نعرے ’’من النہر البحر‘‘ پر عملدرآمد کی واضح علامت ہے۔انقلاب اسلامی کی سرپرستی میں دنیا بھر میں باطل مخالف جدوجہ سے نیل سے فرات تک گریٹر اسرائیل کے قیام کا خواب دفن ہوگیا ہے۔

یہ بھی پڑھیں: مادر وطن کے جانباز سپاہی ، سابق امامیہ اسکاؤٹ کیپٹن فہیم عباس شہید سپردخاک

انہوں نے کہا کہ بانی انقلاب اسلامی امام خمینیؒ کے فرمان پر لبیک کہتے ہوئے اس سال بھی جمعتہ الوداع کو ملک بھر میں 200 سے زائد مقامات پر آزادی بیت المقدس ریلیاں نکالی جائیں گی اور آج کی کشتی ریلی یوم القدس کے سلسلے کی کڑی ہے۔کراچی میں عالمی یوم القدس ریلی سہ پہر تین بجے نمائش سے تبت سینٹر تک نکالی جائے گی۔ کورونا کی موجودہ صورتحال کے باعث رواں سال کی ریلی گاڑیوں اور موٹرسائیکلوں پر مشتمل ہوگی۔