24 گھنٹوں میں یمن پر 93 سعودی فضائی و میزائل حملے، 14 شہری شہید، یحییٰ سریع

شیعیت نیوز : یمنی مسلح افواج کے ترجمان بریگیڈیئر جنرل یحییٰ سریع نے کہا ہے کہ سعودی رجیم نے گزشتہ 24 گھنٹوں میں یمن پر 93 فضائی اور میزائل حملے کیے جن میں صنعاء اور الجوف، تعز، صعدہ، مارب، ذمار، حجہ، اب اور لحج کے صوبوں میں شہری مقامات کو نشانہ بنایا گیا۔

ترجمان کے مطابق ان حملوں میں ایف 15 اور ٹائفون طیاروں نے خمیس مشیط اور طائف کے فضائی اڈوں سے اڑان بھری جبکہ میزائل حملے نجران اور جیزان سے کیے گئے، اور حالیہ کشیدگی کے آغاز سے اب تک سعودی فضائی و میزائل حملوں کی مجموعی تعداد 3689 تک پہنچ چکی ہے۔

یہ بھی پڑھیں : تعز میں سعودی بمباری سے تین گھر ملبے کا ڈھیر، 24 گھنٹوں میں 27 یمنی شہید

یمن کی وزارت صحت و ماحولیات نے بتایا کہ گزشتہ 24 گھنٹوں میں سعودی فضائی حملوں اور فوجی کارروائیوں میں 29 شہری شہید و زخمی ہوئے، جن میں 14 شہید اور 15 زخمی شامل ہیں، ان میں عورتیں اور بچے بھی ہیں اور زیادہ تر متاثرین کا تعلق تعز سے ہے۔

وزارت صحت کے مطابق سعودی طیاروں نے لحج کی مدیریت المقاطرہ میں نقیل الصیاء کے قریب ایک کریانہ اسٹور کو بھی نشانہ بنایا جس سے بھاری مالی نقصان ہوا، اور وزارت نے کہا کہ شہری گھروں اور بنیادی ڈھانچے پر مسلسل حملے اور علاج کے لیے سفر پر پابندیاں بین الاقوامی انسانی قانون کی خلاف ورزی ہیں۔