عراقی شہر فلوجہ میں داعش کا ایک اہم سرغنہ گرفتار
شیعیت نیوز: عراقی ذرائع نے مغربی عراق کے صوبہ الانبار میں شہر فلوجہ کے شمال میں ایک داعشی رہنما کی گرفتاری کی اطلاع دی ہے۔
بغداد الیوم کی رپورٹ کے مطابق نینوا آپریشنز کمانڈ سے وابستہ عراقی سکیورٹی ذرائع نے پیر کو شمالی شہر فلوجہ میں ایک بر وقت آپریشن میں داعش کے ایک اعلی رہنما کی گرفتاری کا اعلان کیا۔
ذرائع نے بتایاکہ سکیورٹی فورسز نے فلوجہ کے شمال میں واقع الصقلاویہ ضلع میں مختلف محلوں میں بڑے پیمانے پر حملہ اور تلاشی لی جس میں یہ دہشت گرد گرفتار ہوا۔
یاد رہے کہ یہ اس وقت ہوا جب ایک داعشی رہنما سکیورٹی فورسز اور عام شہریوں کے خلاف دہشت گردی کی کاروائیاں کرنے کے لئے علاقے میں داخل ہوا، ایک عراقی سکیورٹی ذرائع نے اپنا نام ظاہر نہ کرنے کی شرط پر بات کرتے ہوئے کہا کہ سکیورٹی فورسز نے داعشی رہنما کوکسی مزاحمت کے بغیر حراست میں لے لیا۔
یہ بھی پڑھیں : جنوبی وزیرستان، سیکیورٹی فورسز کے آپریشن میں ٹی ٹی پی کا تکفیری دہشتگرد ہلاک
ایک عراقی ذرائع نے بتایا کہ یہ داعشی دہشت گرد تکفیری تسلط کے دوران انبار کے متعدد علاقوں میں سکیورٹی فورسز کے خلاف کاروائیوں میں ملوث تھا، عراقی ذرائع نے اطلاع دی کہ سخت حفاظتی اقدامات کے درمیان داعش کےاس رہنما کو تفتیش کے لئے تفتیشی مرکز میں منتقل کیا گیا۔
واضح رہے کہ اگر عراق حکومت سے داعش کے خاتمہ کا اعلان کر چکی ہے تاہم اس دہشت گرد تنظیم باقی ماندہ عناصر ملک کے مختلف حصوں میں آئے دن عام شہریوں اور سکیورٹی فورسز کو نشانہ بناتے رہتے ہیں لیکن ادھر عراقی عوامی تنظیم حشد الشعبی نے اپنے ملک کو دہشت گردوں کے پاک کرنے کی ٹھان رکھی ہے جس کے لیے وہ متعدد علاقوں میں کاروائیاں کررہی ہےاور اب تک سیکڑوں دہشت گردوں کو ہلاک یا گرفتار کر چکی ہے۔
