غرب اردن اور بیت المقدس میں قابض اسرائیلی فوج کا کریک ڈاؤن، متعدد فلسطینی گرفتار
شیعیت نیوز: فلسطین کےدریائے اردن کے مغربی کنارے اور مقبوضہ بیت المقدس میں قابض اسرائیلی فوج نے گھر گھر تلاشی کی کارروائیوں میں متعدد فلسطینیوں کو حراست میں لے لیا۔
رپورٹ کے مطابق اسرائیلی فوج نے تلاشی کے دوران فلسطینیوں کے گھروں میں گھس کر قیمتی سامان کی توڑپھوڑ اور لوٹ مار بھی کی اور گھروں میں موجود خواتین اور بچوں کو زدو کوب کیا۔
قابض اسرائیلی فوج کےگھروں پر چھاپوں اور بےگناہ شہریوں کی گرفتاریوں کے خلاف فلسطینیوں نے احتجاجی مظاہرے کئے۔ مظاہرین کو منتشر کرنے کے لیے قابض فوج نے طاقت کا استعمال کیا اور ان پر آنسوگیس کی شیلنگ کی گئی۔
غرب اردن کے جنوبی شہر بیت لحم میں اسرائیلی فوج نے حماس کے انتخابات کے لیے امیدوار حسن وردیان اور ان کے اقارب کےگھروںپر چھاپے مارے۔ اسرائیلی فوج نے گھروں میں گھس کر توڑپھوڑ اور لوٹ مار کی اورحسن وردیان کے بیٹے محمود الوردیان کو گرفتار کرلیا۔
یہ بھی پڑھیں : حماس کی انتخابات میں ممکنہ کامیابی پر امریکہ و اسرائیل میں تشویش
حسن وردیان کے ایک دوسرے بیٹے ضیا الوردیان نے بتایا کہ اتوار کو اسرائیلی فوج نے نے ان کے والدکے گھر پر ظالمانہ چھاپہ مار کارروائی میں قیمتی سامان کی توڑپھوڑ کے ساتھ لوٹ مار بھی کی۔
اسرائیلی فوج نے مشری بیت لحم میں تلاشی کے دوران تین فلسطینیوں 22 سالہی فادی عادل عطا اللہ ،23 سالہ ابراہیم وجیہ صباح اور 24 سالہ بسام الزیر کو گرفتار کرلیا۔
ادھر مشرقی بیت المقدس میں العیسویہ کے مقام پر اسرائیلی فوج نے فلسطینی شہریوں کے گھروں میں گھس کر متعدد افراد کو گرفتار کیا۔ قابض اسرائیلی فوج نے 20 سالہ حسن یاسر درویش، احمد عصام درویش اور اس کے بھائی ماجد کو گرفتار کرلیا۔
رام اللہ میں الجلزون کیمپ سے یوسف علیان نامی ایک نوجوان کی گرفتاری کی اطلاعات ہیں جب کہ نوجوان مجاھد الشنی کو بھی رام اللہ شہر سے گرفتار کیا گیا۔
