ملک دشمن عناصرکروڑوں شیعہ سنی عوام کے دلوں کی دھڑکن ظفر عباس(JDC) کے خلاف سرگرم

شیعیت نیوز: کروڑوں شیعہ سنی عوام کےدلوں کی دھڑکن ظفرعباس اور معروف فلاحی رفاحی ادارے جعفریہ ڈیزاسٹر سیل (JDC)کے خلاف ملک دشمن عناصر سرگرم ہوگئے ہیں۔ رمضان المبارک کے قریب آتے ہی موقع وفرقہ پرست عناصروطن عزیز میں اشتعال انگیزی پھیلانے میں مصروف عمل ہوگئے ہیں۔

تفصیلات کے مطابق ماہ مبارک رمضان کے آغاز سے قبل ہی ایک مرتبہ پھر ملک دشمن عناصر اپنے مذموم عزائم کی تکمیل کے لیئے سرگرم ہوگئے ہیں، پاکستان میں منفرد فلاحی کاموں کے حوالے سے شہرت رکھنے والے ادارے جے ڈی سی اور اس کے روح رواں ظفرعباس کے خلاف ملک دشمنوں کی جانب سے محاذ آرائی کا سلسلہ شروع کردیا گیا ہے ۔

گذشتہ کئی روز سے سوشل میڈیا پر بعض اصل اور متعدد جعلی فیس بک ، ٹوئٹر آئی ڈیز اور ایک سند یافتہ خطرناک تکفیری دہشت گرد آفتاب نذیر جے ڈی سی اور ظفرعباس کے خلاف منفی پروپگینڈے میں مصروف ہیں، جے ڈی سی اور ظفر عباس کے خلاف اس مہم کا مقصد سادہ لوح پاکستانیوں کو جے ڈی سی کو امداد دینے سے روکنا اور اس کے خلاف اکسانا ہے ۔

یہ بھی پڑھیں: سندھ حکومت نے حساس اداروں کو شیعہ مسنگ پرسنز کےحوالے سے آن بورڈ لیاہے،شہلا رضا

چند ایک جعلی ویب سائٹس نے مختلف دینی مدارس کے فتاویٰ بھی سوشل میڈیا پر وائرل کیئے ہیں جن میں جے ڈی سی کو چندہ اور عطیہ دینے سے روکا گیا ہے اور جے ڈی سی اور ظفرعباس پر پھر کفر کے فتوے عائد کیئے گئے ہیں۔

واضح رہے کہ جے ڈی سی وہ واحد ادارہ ہے جو بلاتفریق رنگ ونسل مذہب ومسلک ملک کے طول وعرض میں دکھی انسانیت کی خدمت میں مصروف عمل ہے،جے ڈی سی نے دکھی انسانیت کی خدمت کیلئے جدید منصوبوں اور انفارمیشن ٹیکنالوجی سے بہترین استفادہ کرتے ہوئے پوری قوم کی توجہ اپنی جانب مبذول کروالی ہے، رمضان راشن پروجیکٹ، اجتماعی قربانی برائے مستحقین، کورونا ریلیف پیکج، روزگار اسکیم، دسترخوان امام حسن ، ایمبولنس سروس، اولڈ ہوم ، کورونا اسپتال، سحری وافطارپروجیکٹ ودیگر منصوبے مخیر پاکستانی شہریوں کی امداد سے جاری ہیں۔ جس کی بدولت ہر شہری خواہ ومسلم ہو یا غیر مسلم مستفید ہورہاہے ۔

یہ بھی پڑھیں: ایران چین شراکت داری امریکہ کیلئے چیلنج اور پاک ایران تعلقات کیلئے خوشی کا باعث ہے، سینیٹر مشاہد حسین

واضح رہےکہ جے ڈی سی اور ظفر عباس کے کام نے سب کو پیچھے چھوڑ دیاہے، جے ڈی سی کی خدمات کو قومی و بین الاقوامی اداروں، حکومت، سیاسی وعسکری شخصیات، اداروں اور تمام مکاتب فکر کےعلمائے کرام نے بارہا سراہا ہے ۔ نامور ددیوبند عالم دین مفتی محمد نعیم مرحوم نے تو یہاں تک کہا تھا کہ ظفر عباس (جے ڈی سی) نے فرقہ واریت کے خاتمے میں اپنا کردار ادا کیا، خامیاں کسی بھی ادارے اور انسان میں ہوسکتی ہیں لیکن ان وطن دشمن عناصر کا یہ عناد اس بات کا ثبوت ہے کہ ظفرعباس اور جے ڈی سی نے عام پاکستانیوں کو اپنی جانب متوجہ کیا ہے جس سے ملک میں فرقہ واریت پھیلانے والے مایوس ہوئے ہیں اور اسکی کردار کشی کررہے ہیں۔

ہم حکومت اور ریاستی اداروں سے مطالبہ کرتے ہیں کہ جے ڈی سی اورظفر عباس کے خلاف سرگرم عمل اور ملک میں انتشار اور فساد کی فضاء کو پروان چڑھانے کی کوششوں میں مصروف اصلی وجعلی سوشل میڈیا آئی ڈیز کے خلاف اور ان کے سرپرستوں کے خلاف فوری کاروائی عمل میں لائے ۔