اگر کوئی مجرم ہے تو اسے عدالتوں میں پیش کیا جائے، غائب کر دینا غیر قانونی اور غیر اسلامی عمل ہے، علامہ سید باقر الحسینی
05 اپریل, 2021 14:04
شیعیت نیوز: صدر انجمن امامیہ بلتستان و نائب خطیب مرکزی امامیہ جامع مسجد سکردو حجۃ الاسلام علامہ سید باقر الحسینی نے کہا کہ پاکستان کی سرزمین پر شیعہ افراد کا لاپتہ ہونا قابل تشویش ہے۔اگر کوئی مجرم ہے تو اسے عدالتوں میں پیش کیا جائے۔قانون کے کٹہرے میں لائے بغیر غائب کر دینا غیر قانونی اور غیر اسلامی عمل ہے جس کی بھر پور مذمت کرتے ہے۔حکومت سے مطالبہ کرتے ہے کہ تمام لاپتہ افراد کو فورا رہا کیا جائے ۔
انہوں نے کہا کہ سالہا سال سے جبری طور پر لوگوں کو لاپتہ کرنا اوران کے گھرکے افراد سے ملاقات نہ کروانا انتہائی قابل مذمت امر ہے ملک بھر میں جاری شیعہ مسنگ پرسنز ایکشن کمیٹی کے احتجاجی دھرنوں کی بھر پور حمایت کرتے ہے۔ اب تک عدلیہ کی جانب سےبھی جبری طور پر لاپتہ افراد کی بازیابی کو ممکن نہ بنانا قابل مذمت ہے۔
