ہندوستان کے بدعنوان اور متنازعہ شخص وسیم رضوی کا بیان صریح فتنہ انگیزی ہے، علامہ ساجدنقوی

شیعیت نیوز: سربراہ شیعہ علماءکونسل پاکستان علامہ سید ساجد علی نقوی نے کہا ہے کہ مقدس کتاب کی حفاظت کی ذمہ داری خود خداوند تعالیٰ نے اپنے ذمہ لی ہے، قرآن پاک آخری آسمانی صحیفہ اور قیامت تک نوع بشر کے لئے وسیلہ ہدایت و نجات ہے، جس میں کسی قسم کی تبدیلی مسلمہ عقیدہ کیخلاف ہے۔

یہ بھی پڑھیں: پی ڈی ایم کی پاک فوج اور اداروں کو متنازعہ بنانے کی کوششیں قابل مذمت ہیں،رہنماایس یو سی علامہ حمید امامی

اپنے ایک بیان میں علامہ ساجد نقوی کا کہنا تھا کہ ہندوستان کے بدعنوان اور متنازعہ شخص کا بیان صریح فتنہ انگیزی ہے۔ مذکورہ فرد کا نقطہ نظر اسلام کے بنیادی اصولوں کیخلاف ہے، جو ہرگز قابل قبول نہیں۔ اُس نے اس مرتبہ فتنہ و فساد کے لئے مقدس کتاب قرآن کریم کو نشانہ بنایا ہے، ہم اس کی شدید الفاظ میں مذمت کرتے ہیں۔

یہ بھی پڑھیں: ریاست جب ہماری بات نہیں سنے گی تو احتجاج کےسوا کون سا راستہ بچے گا؟؟؟علامہ عبدالخالق اسدی

علامہ ساجد نقوی کا مزید کہنا تھا کہ ہندوستان میں صوبائی انتخابات قریب ہیں، بعض مفاد پرست عناصر مسلمانوں کو آپس میں لڑانے کی مذموم کوششوں میں مصروف ہیں، جنہیں مل کر ناکام بنانے کی اشد ضرورت ہے۔ ان حالات میں بالخصوص ہندوستان اور پاکستان کے تمام مسالک کے علماء کرام کی ذمہ داری بنتی ہے کہ مذکورہ فرد جیسے عناصر سے مکمل بیزاری کا اظہار کرتے ہوئے وحدت کا مظاہرہ کریں اور ان کے باطل نظریات کو ناکام بنانے میں اپنا مثبت کردار ادا کریں۔