محمود عباس کا الیکشن ٹریبونل کے قیام کا فرمان جاری، حماس کا خیر مقدم

شیعیت نیوز: فلسطینی اتھارٹی کے سربراہ محمود عباس نے الیکشن سے متعلق مقدمات کی سماعت کے لیے خصوصی الیکشن ٹریبونل قائم کرنے کا حکم دیا ہے۔

الیکشن ٹریبونل کی سربراہی سپریم کورٹ کے جج جسٹس ناصر الدین کو سونپی گئی ہے جب کہ ٹریبونل میں غرب ارد، القدس اور غزہ سے مجموعی طور پر 8 ججوں کو شامل کیا گیا ہے۔

دوسری طرف اسلامی تحریک مزاحمت ’’حماس‘‘ نے الیکشن ٹریبونل کے قیام کے اعلان کا خیرمقدم کرتے ہوئے کہا ہے کہ اس اقدام سے ملک میں انتخابی عمل کو شفاف بنانے میں مدد ملے گی۔

یہ بھی پڑھیں : جناب سیدہ زہرا(س)کے فضائل کی منکر کالعدم سپاہ صحابہ ایک بار پھر وطن عزیز کےاستحکام کےخلاف سرگرم

ٹریبونل میں غرب اردن اور غزہ کی پٹی سے 8 جج شامل کیے گئے ہیں۔ ان میں جسٹس فايز حسين حماد ، جسٹس محمود نمر أبو حصيرۃ ،جسٹس باسم عبد الرازق أبو خصيب ، جسٹس فطين عبد العزيز سيف جسٹس محمد سليمان الدحدوح ، جسٹس ممدوح عليان جبر جسٹس مؤنس غسان أبو زينۃ اور جسٹس نادر عبد الجواد أبو عيشۃ شامل ہیں۔

فلسطین میں الیکشن سے متعلق کیسز کی سماعت کے لیے خصوصی عدالت کے قیام کی تجویز حال ہی میں مصر کی میزبانی میں ہونے والے فلسطینی مصالحتی مذاکرات کے دوران پیش گئی تھی جس پر تمام جماعتوں نے اتفاق کیا تھا۔

یہ بھی پڑھیں : مقتول صحافی جمال خاشقجی کی منگیتر نےقاتل سعودی ولیعہد محمد بن سلمان کی فوری سزا کا مطالبہ کردیا

حماس کے سیاسی شعبے کے رکن حسام بدران کا کہنا ہے کہ قاہرہ مذاکرات میں تمام جماعتوں نے الیکشن ٹریبونل کے قیام پر اتفاق کیا تھا جس کے بعد صدر عباس سے مطالبہ کیا گیا تھا کہ وہ الیکشن کو شفاف بنانے کے لیے ایک خصوصی عدالت قائم کریں جو صرف انتخابات سے متعلق کیسز کو نمٹائے۔ ٹریبونل میں غزہ سے چار،غرب اردن سے چار اور القدس سے ایک جج کو شامل کیا گیا ہے۔