سابق صدر ٹرمپ نے بشار الاسد کو قتل کرانے کی بات کی تھی، میک فارلینڈ

شیعیت نیوز: امریکہ کے سابق صدر ڈونلڈ ٹرمپ نے اپنے دور اقتدار میں شام کے صدر بشار الاسد کو قتل کرانے کی بات کی تھی۔ یہ انکشاف ڈونلڈ ٹرمپ کے سابق مشیر میک فارلینڈ نے کیا ہے۔

خلیجی اخبار کے مطابق برطانوی نشریاتی ادارے کے ساتھ تیار ہونے والی ایک دستاویزی فلم کے حوالے سے بات کرتے ہوئے سابق امریکی صدر ڈونلڈ ٹرمپ کے سابق مشیر میک فارلینڈ نے کہا کہ 2017 میں انہوں ںے بشار الاسد کو قتل کرانے کی بات کی۔

امریکہ میں قومی سلامتی کے مشیر کی حیثیت سے فرائض سرانجام دے چکنے والے میک فارلینڈ نے کہا کہ سول آبادی پر سارن گیس حملے کی تصاویر دیکھنے کے بعد صدر ٹرمپ نے زور دے کر کہا تھا کہ اسے اقتدار سے بے دخل کرو۔

یہ بھی پڑھیں : سیدہ زہرانقوی نے عوامی مقامات پر خواتین کےحجاب کی پابندی کی قرارداد پنجاب اسمبلی میں جمع کروادی

خلیجی اخبار کے مطابق میک فارلینڈ نے کہا کہ میں نے صدر ٹرمپ سے کہا کہ آپ یہ نہیں کرسکتے ہیں جس پر انہوں نے استفسار کیا کہ کیوں؟ تو میں نے جواب دیا کہ اسے جنگی اقدام تصور کیا جائے گا۔

مغربی ذرائع ابلاغ کے مطابق اپریل 2017 میں صدر بشار الاسد کی حکومت نے مغربی شام کے خان شیخون قصبے میں گیس کا حملہ کیا تھا جس میں 90 افراد ہلاک ہوگئے تھے۔

خلیجی اخبار کے مطابق سابق صدر ڈونلڈ ٹرمپ کے مشیر برائے قومی سلامتی میک فارلینڈ نے کہا کہ میں جانتا تھا کہ ٹرمپ، بشار الاسد کو سزا دینا چاہتے تھے اور انہیں ایسے نہیں چھوڑنا چاہتے تھے۔

دوسری جانب ہر سال دسمبر کے تیسرے پیر کو امریکہ میں یوم صدر کے طور پر منایا جاتا ہے۔ اس دن امریکہ کے پہلے صدر جارج واشنگٹن پیدا ہوئے تھے۔ گزشتہ روز امریکہ کے سابق صدر ڈونلڈ ٹرمپ اپنے حامیوں کے ایک اجتماع کے درمیان حاضر ہوئے۔

بعض امریکی مبصرین کا ماننا ہے کہ ابھی ملک میں ڈونلڈ ٹرمپ کے انتہاپسند حامیوں کے تخریبی اقدامات کا خطرہ ٹلا نہیں اور مسلح بغاوت کا اب بھی امکان ہے۔ حال ہی میں ڈونلڈ ٹرمپ کو متعدد الزامات کے تحت ہونے مواخذے سے نجات ملی ہے اور مواخذے کے لئے درکار دوتہائی ووٹ اپنے حد نصاب کو نہ پہونچ سکے۔