دشمنوں کے خطرات کو انقلاب اسلامی کی ترقی اور پیشرفت کے مواقع میں بدل دیا گیا

شیعیت نیوز: ایران کی سپاہ پاسداران انقلاب اسلامی کے سربراہ میجر جنرل حسین سلامی نے کہا ہے کہ دشمنوں کے خطرات کو انقلاب اسلامی کی ترقی اور پیشرفت کے مواقع میں بدل دیا گیا ہے۔

میجر جنرل سلامی نے رضاکار فورس کی بیت المقدس نامی مشقوں کے آغاز کا اعلان کرتے ہوئے کہا کہ حضرت امام خمینی (رہ) کے پاس دنیا کی تمام طاقتوں کی مقدار میں فوجی طاقت اور قدرت تھی اور وہ فوجی طاقت آج بھی موجود ہے۔ اس دور میں امریکہ کے پاس دنیا کی معیشت کا 25 فیصد حصہ تھا اورامریکہ کا تسلط بھی دنیا پرہمہ گیر تھا۔

میجر جنرل سلامی نے کہا کہ انقلاب اسلامی کی ترقی اور کامیابی کے بعد دنیا کی سامراجی طاقتوں نے محسوس کرلیا کہ دنیا میں ایک مبہم اور غیر شناختہ شدہ طاقت وجود میں آگئی ہے ۔ ایران کا انقلاب اسلامی دنیا میں ایک نئی طاقت کے عنوان سے ظاہر ہوا۔

یہ بھی پڑھیں : عراق کے مقدس مقامات پر داعش کے حملے کا منصوبہ، تحریک النجباء کا سخت انتباہ

انھوں نے کہا کہ ایران کے اسلامی انقلاب نے دنیا کو آزادی، استقلال ، انصاف ، اخلاقی اور انسانی کرامت سے آشنا کیا اور انقلاب اسلامی نے واضح کردیا کہ وہ دنیا کی سامراجی طاقتوں کا مقابلہ کرنے اور ان کے عالمی تسلط کو ختم کرنے کے لئے وجود میں آیا ہے۔

انھوں نے کہا کہ انقلاب اسلامی ایران اپنے اعلی اہداف کی سمت قدرت اور توانائی کے ساتھ گامزن ہے اور یہ انقلاب دنیا کے غریبوں ، مظلوموں اور ستمدیدہ قوموں کا حامی اور مددگار انقلاب ہے۔

دوسری جانب حضرت فاطمہ زہرا (س) کی ولادت با سعادت کی شب ایک جرمن خاتون مشہد مقدس میں حضرت امام رضاؑ کے حرم مطہر میں مشرف بہ اسلام ہوئیں ۔

آستان قدس رضوی کی رپورٹ کے مطابق جرمنی سے تعلق رکھنے والی اس خاتون نے مشہد مقدس میں حضرت امام رضا ؑکے حرم مطہر میں کلمہ پڑھ کر مشرف بہ اسلام ہوئیں اور اپنا نام فاطمہ رکھا۔

اس نو مسلم جرمن خاتون نے کہا کہ انہوں نے آگاہانہ طور پر دین مبین اسلام کا انتخاب کیا اور اس کی یہ آرزو تھی کہ وہ حرم امام رضا ؑ میں مشرف بہ اسلام ہوں ۔