مادرِشہنشاہ ِ وفاَ بی بی ام البنین (س)کے یوم وفات پر شیعہ مسلمان سوگوار، دنیا بھر میں عزاداری کے اجتماعات

شیعیت نیوز: مادرِشہنشاہ ِ وفاَ حضرت ابوالفضل العباس ؑ بی بی ام البنین(س) کے یوم وفات پر شیعہ مسلمان سوگوار، دنیا بھر کی طرح پاکستان بھرمیں عزاداری کے اجتماعا ت جاری۔

حضرت عباس علمدار ع کی والدہ گرامی بی بی ام البنین حضرت فاطمہ کلابیہ س کے یوم رحلت کی مناسبت سے دنیا بھر میں عزاداری کے اجتماعات منعقد ہورہے ہیں۔

یہ بھی پڑھیں: ڈاکٹر ریحان اعظمی کی نماز جنازہ ادا، آہوں اور سسکیوں کے ساتھ وادی حسین میں سپرد خاک

پاکستان بھر میں شیعہ مومنین کی ماتمی انجمنوں کی جانب سے مجالس و ماتمداری برپا کی جارہی ہیں۔شب رحلت بروز منگل سے عزاداری کے سلسلے کا آغاز ہوا ہے جو آج بدھ کے دن بھی جاری ہے۔

خطباءو ذاکرین مادر شہنشاہ وفا کےفضائل ومناقب اور ان کی قربانیاں بیان کررہے ہیں ، واضح رہے کہ بی بی ام البنین مولائے کائنات علی المرتضیٰ ؑ کی دوسری اہلیہ تھیں جن سے آپ نے جناب فاطمہ زہرا ؑ کی شہادت کے بعد عقد کیا تھا۔