غرب اردن میں ایک اور فلسطینی نوجوان شہید، فلسطینی چرواہوں پر حملہ

شیعیت نیوز: اسرائیلی فوجیوں نے ایک فلسطینی نوجوان پر صیہونیوں پر حملے کا الزام لگاتے ہوئے اسے شہید کر دیا۔ دوسری طرف صیہونی آبادکاروں نے بیت لحم کے مشرق میں کیسان گاؤں میں فلسطینی چرواہوں اور ان کے جانوروں پر وحشیانہ حملہ کیا۔

عرب اڑتالیس نیوز ویب سائٹ کی رپورٹ کے مطابق اسرائیلی فوجیوں نے اس فلسطینی نوجوان کو جنوبی شہر نابلس میں گولی مار کر شہید کیا ہے۔

صیہونی ذرائع نے دعوی کیا ہے کہ اس فلسطینی نوجوان نے کچھ باوردی دہشت گردوں پر حملہ کر کے ایک کو زخمی کیا تھا۔

اسرائیلی فوجیوںنے اتوار کو بھی غرب اردن کے شمال میں طولکرم کے قریب ایک فلسطینی مزدور کو گولی مار کر شہید کر دیا تھا۔

غاصب صیہونی، اپنے توسیع پسندانہ اہداف کے حصول کے لئے بے بنیاد دعوؤں کے تحت روزانہ فلسطین کے مختلف علاقوں پر حملے کرکے انہیں اپنی نسل پرستانہ جارحیت کا نشانہ بناتے ہیں۔

یہ بھی پڑھیں : داعشی دہشت گردی کے خلاف جنگ کو اس کے حامیوں کے گھر تک لے جائینگے، نصر الشَّمَری

دوسری جانب انتہا پسند صیہونی آبادکاروں کے ایک گروہ نے بیت لحم کے مشرق میں کیسان گاؤں میں فلسطینی چرواہوں اور ان کے جانوروں  پر وحشیانہ حملہ کیا۔

گاؤں کے چیف احمد غزال نے کہا کہ غیرقانونی صیہونی آبادکار ایبیی حنحل سے تعلق رکھنے والے صیہونی آبادکاروں نے کیسان گاؤں سے تعلق رکھنے والے چرواہوں کے ایک گروپ پر پتھراؤ کیا جس سے ایک چرواہا زخمی ہو گیا۔

غزال نے مزید کہا کہ آبادکاروں نے چرواہوں کے کتوں نے بھی چرواہوں اور ان کے جانوروں پر حملہ کیا جس سے ان کی چند بھیڑیں زخمی ہو گئیں۔

حال ہی میں کیسان میں فلسطینی چرواہوں اور کسانوں کے خلاف صیہونی آبادکاروں کے مظالم میں اضافہ ہو گیا ہے اور انہوں نے گاؤں کے آس پاس کی وسیع زمین پر قبضہ کیا ہے۔ قابض اسرائیلی فوجیوں نے گاؤں میں متعدد مکانوں زرعی زمینوں اور املاک کو کئی بار تباہ کیا ہے۔

ایک اور واقعے میں ایک صیہونی آبادکارنے حملے یا تخریب کاری کی نیت سے نابلس میں عراق بورین گاؤں میں گھسنے کی کوشش کی جس کے بعد فلسطینی نوجوانوں کے تشدد سے وہ زخمی ہو گیا۔

تاہم اسرائیلی فوج کے ترجمان نے دعویٰ کیا کہ غیر قانونی صیہونی آبادکار بستی ھار براکہ سے تعلق رکھنے والے صیہونی آبادکار پر جب حملہ کیا گیا اس وقت وہ عراق بورین گاؤں کے قریب چہل قدمی کر رہا تھا۔

حالیہ ہفتوں میں ، مغربی کنارے میں غیر قانونی بستیوں اور چوکیوں سے آبادکاروں نے فلسطینی شہریوں ، گھروں ، کاروں ، زمینوں وغیرہ کے خلاف مختلف دہشت گردی کے حملے اور جرائم کیے۔