حرم رضوی ؑ پر عائد کی جانے والی امریکی پابندیاں دین مبین اسلام کی توہین ہے، حزب اللہ
شیعیت نیوز: لبنانی مزاحمتی فورس حزب اللہ نے حضرت امام رضا علیہ السلام کے حرم رضوی سے متعلق تمام افراد و تنظیموں کے خلاف امریکہ کی جانب پابندیاں عائد کئے جانے کی شدید مذمت کی ہے۔
حزب اللہ لبنان نے اپنے بیان میں کہا ہے کہ لگتا ہے کہ امریکی وزارت خارجہ کے پاگل پن اور تنفر کی سطح موجودہ صدارتی دورے کے اختتام پر اپنی انتہاء کو پہنچ چکی ہے، جیسا کہ امریکی وزارت خارجہ نے اپنے آخری ایام میں اٹھائے گئے مذموم اقدامات میں واضح طور پر اپنا کینہ خالی کیا ہے۔
یہ بھی پڑھیں : ایران نے جوہری معاہدے کو زندہ رکھا ہے نہ تین یورپی ٹرائیکا ، جواد ظریف
اس بیان میں تاکید کی گئی ہے کہ حرم رضوی (ع) اور اس کے متولی شیخ احمد مروی کے ناموں کا پابندیوں و دہشت گردی کی فہرست میں شامل کیا جانا انتہائی منفرد اقدام ہے۔
حزب اللہ لبنان نے کہا کہ حضرت امام رضا علیہ السلام کا حرم؛ اللہ تعالیٰ کی عبادت کا ایک مرکز اور مقدس مقام ہے، جہاں دسیوں لاکھ مسلمان زیارت کی غرض سے جاتے ہیں جبکہ حرم رضوی (ع) کا معنوی و مقدس مقام زائرین کی روح اور ان کے اعتقادات پر گہرے اثرات مرتب کرتا ہے، لہذا ہم امریکہ کے اس احمقانہ اقدام کو دین مبین اسلام اور معنوی اقدار کی کھلی توہین سمجھتے ہیں۔
یہ بھی پڑھیں : ایام فاطمیہ کے انعقاد پر تکفیری ٹولہ ملت جعفریہ پاکستان کے خلاف سرگرم
لبنانی مزاحمتی تحریک حزب اللہ نے تاکید کی کہ انتہاء پسندی پر مبنی امریکہ کا یہ غیر اخلاقی اقدام سیاسی اختلافات کی حد سے نکل کر ادیان و دینی اعتقادات کے ساتھ کھلی دشمنی کے زمرے میں داخل ہوچکا ہے، جو اخلاقی و فکری انحطاط کی اُس انتہائی سطح کی نشاندہی کرتا ہے، جس تک امریکی وزارت خارجہ و امریکی حکومت گرچکی ہے۔
