امریکی صدر ٹرمپ کی بیٹی اور داماد قومی خزانے پر بوجھ
شیعیت نیوز: امریکی صدر ٹرمپ کی بیٹی اور داماد پر انوکھے انداز سے قومی خزانے کو نقصان پہنچانے کے الزامات سامنے آئے ہیں۔
امریکی اخبار واشنگٹن پوسٹ کی رپورٹ کے مطابق ٹرمپ کی بیٹی اور داماد نے خفیہ ایجنٹس پر اپنے پر تعیش گھر کے باتھ روم استعمال کرنے پر پابندی لگا رکھی تھی، خفیہ ایجنٹس ضرورت پڑنے پر سڑکیں، فٹ پاتھ، پبلک ٹوائلٹس اور قریبی مقامات استعمال کرتے رہے۔
یہ بھی پڑھیں : پابندیوں کی منسوخی بغیر امریکہ کی جوہری معاہدے میں واپسی بلیک میل ہے، کمال خرازی
واشنگٹن پوسٹ کی رپورٹ میں بتایا گیا ہے کہ دونوں نے اپنی سیکیورٹی پر تعینات خفیہ ایجنٹس کو اپنے گھر میں بنیادی انسانی ضرورت کے پیش نظر واش روم استعمال کرنے کی اجازت نہیں دی تھی۔
جیئرڈ کشنر نے واشنگٹن ڈ ی سی میں 2017 میں 5 ہزار مربع فٹ کا پرتعیش مکان کرائے پر لیا جس میں چھ بڑے اور ایک چھوٹا ٹوائلٹ تھا لیکن ایوانکا اور کشنر نے خفیہ ایجنٹس کو ٹوائلٹس استعمال کرنے کی اجازت نہیں دی۔
یہ بھی پڑھیں : ایم ڈبلیوایم رہنما،وزیر زراعت جی بی کاظم میثم کی وفاقی وزیر مواصلات مراد سعید سے ملاقات،ترقیاتی منصوبوں پرتبادلہ خیال
ایجنٹس ضرورت پڑنے پر فٹ پاتھ، ہوٹلوں کے ٹوائلٹس، پبلک ٹوائلٹس اور قریبی مقامات استعمال کرتے رہے۔
ہمسایوں نے شکایت کی تو ایجنٹس سابق صدر اوباما کے گیراج کا ٹوائلٹ استعمال کرنے لگے تاہم بعد میں بیٹی اور دامادکے مکان کے قریب سڑک پار ایک اسٹوڈیو اپارٹمنٹ تین ہزار ڈالر ماہانہ کرائے پر مل گیا۔
اس طرح 2017 سے اب تک ایک لاکھ چوالیس ہزار ڈالر سے زائد صرف خفیہ ایجنٹس کے ٹوائلٹس پر خرچ کر دیئے گئے اور عجیب بات یہ کہ یہ پیسے امریکی ٹیکس دہندگان کی جیب سے ادا کئے گئے ۔
دوسری جانب ترجمان وائٹ ہاؤس نے خبر کی تردید کی ہے اور دعویٰ کیا ہے کہ خفیہ ایجنٹس کو باتھ روم استعمال کرنے سے نہیں روکا گیا تھا۔
