اسرائیلی جاسوس پولارڈ امریکی جیل سے رہا ہو کر اسرائیل پہنچ گیا

شیعیت نیوز: اسرائیلی جاسوس جوناتھن پولارڈ جو امریکی بحریہ میں کام کرتا تھا مگر در اصل اسرائیل کے لئے جاسوسی میں مصروف تھا، امریکہ میں تیس سال جیل کی سزا کاٹنے کے بعد اسرائیل لوٹا تو بنیامن نیتن یاہو نے اس کا استقبال کیا۔

1987 میں اس اسرائیلی جاسوس کو عمر قید کی سزا سنائی گئی تھی۔ اس نے جاسوسی کا اعتراف کیا تھا۔ 2015 میں پولارڈ کو مشروط آزادی ملی تھی۔

یہ بھی پڑھیں : سعودی عرب 2021 کے آخر تک اسرائیل کے ساتھ تعلقات قائم کر لے گا، جیروسلم پوسٹ

اس پر امریکہ سے باہر جانے پر پابندی عائد کی گئی تھی تاہم اپنے آخری دن گزار رہی ٹرمپ انتظامیہ نے اسرائیل کو یہ تحفہ دیا کہ پولارڈ پر پانچ سال سے جاری سفری پابندی میں توسیع نہیں کی۔

نیتن یاہو نے تل ابیب پہنچنے پر پولارڈ اور اس کی اہلیہ کا استقبال کیا اور اس کا ویڈیو اسرائیلی وزیر اعظم کے دفتر نے جاری کیا۔

صیہونی پولارڈ اور اس کی اہلیہ نے تل ابیب پہنچنے پر زمین کو بوسہ دیا۔ نیتن یاہو نے اس موقع پر پولارڈ کو اسرائیلی شہریت کا کارڈ دیا اور کہا کہ اب سے تم اسرائیل کے شہری ہو۔

یہ بھی پڑھیں : امام جمعہ گلگت علامہ راحت حسینی کا ایف سی ، گورنر اور علی امین گنڈاپورکےخلاف بڑابیان سامنے آگیا

پولارڈ نے 1980 کی دہائی میں نیویارک میں اسرائیلی جنرل سے رابطہ کیا تھا اور دسیوں ہزار ڈالر کی رقم وصول کرکے اسرائیل کو خفیہ اطلاعات دینی شروع کر دی تھیں۔

پولارڈ نے ہزاروں دستاویزات اسرائیلی جنرل کو دیئے اور اس طرح امریکہ کے ساتھ غداری بھی کی۔

پولارڈ کی جاسوسی کے نتیجے میں اسرائیل کو جو اطلاعات ملیں ان کی بنیاد پر اس نے تیونس میں فلسطینی تنظیم پی ایل او کے ٹھکانے پر حملہ کیا تھا جس میں 60 افراد جاں بحق ہوئے تھے۔ اسی طرح اسرائیل نے ان اطلاعات کی مدد سے متعدد ٹارگٹ کلنگ بھی کی تھی۔