بغداد کے گرین زون میں امریکی سفارت خانے پر راکٹ حملے

شیعیت نیوز: عراقی ذرائع کے مطابق راکٹ حملے میں امریکی سفارت خانے کی عمارت اور وہاں کھڑی گاڑیوں کو شدید نقصان پہنچا ہے۔

عراق کے دارالحکومت بغداد کے گرین زون میں واقع امریکی اڈے (سفارت خانے) پر 8 راکٹ داغے گئے جس کے نتیجے میں عمارتوں اور وہاں کھڑی گاڑیوں کو شدید نقصان پہنچا ہے۔ بعض ذرائع نے داغے جانے والے راکٹوں کی تعداد گیارہ بتائی ہے۔

عالمی خبر رساں ادارے کے مطابق بغداد میں امریکی سفارت خانے میں 8 کٹیوشا راکٹس گرے، جن میں سے تین راکٹ سفارت خانے کے رہائشی کمپلیکس سے ٹکرائے جس سے عمارت اور وہاں کھڑی گاڑیوں کو شدید نقصان پہنچا۔

یہ بھی پڑھیں : عراقی پارلیمنٹ میں شہید سلیمانی اور شہید ابو مہدی المہندس کے ساتھ اظہار الفت

عراق کے سیکیورٹی حکام نے میڈیا کو بتایا کہ راکٹس حملوں کے نتیجے میں کسی قسم کا جانی نقصان نہیں ہوا ہے۔ امریکی اڈے میں لگے اینٹی میزائل سسٹم نے ایک راکٹ کو فضا میں ہی ناکارہ بنادیا تھا۔ حملے کے بعد گرین زون میں سائرن بجنے لگے جس سے لوگوں میں خوف و ہراس پھیل گیا۔

امریکی عہدے داروں نے بغداد میں سفارت خانے کے قریب عراق سمیت سہولیات پر باقاعدہ راکٹ حملوں کا الزام مزاحمتی بلاک سے منسلک گروپ پر عائد کیا، لیکن کسی بھی گروپ نے اس کی ذمہ داری قبول نہیں کی۔

ادھر عراق کی عوامی رضا کار فورس حشد الشعبی سے وابستہ کتائب حزب اللہ نے اپنے ایک بیان میں امریکی سفارت خانے کی عمارت پر کل رات کئے جانے والے راکٹ حملے کی مذمت کی ہے۔

بیان میں کہا گیا ہے کہ سفارت شر(شیطان) پر موجودہ حالات میں گولہ باری ایک غیر کنٹرول شدہ اور ہر قسم کے نظم و ضبط سے عاری اقدام ہے۔ اس بیان میں متعلقہ اداروں کو اس واقعے کے ذمہ دار عناصر سے نمٹنے پر زور دیا گیا ہے۔