اہم ترین خبریںمقبوضہ فلسطین

اسرائیل کو بڑا دھچکا،ایک دن میں ہیلی کاپٹر اور ایک جنگی طیارہ تباہ، 4 ہلاک

شیعیت نیوز : ایک ہی دن میں ایک جنگی طیارہ اور ایک ہیلی کاپٹر تباہ ہونے سےغاصب صیہونی ریاست اسرائیل کو شدید دھچکالگا ہے۔

تفصیلات کے مطابق اسرائیل میں ایک ہی روز کے دوران اسرائیلی فضائیہ کا تربیتی طیارہ اور ہیلی کاپٹر گر کر تباہ ہونے سے مجموعی طور پر 4 افراد ہلاک ہوگئے ہیں۔

اسرائیلی فضائیہ کا تربیتی طیارہ جنوبی اسرائیل میں بیر شبا شہر کے نزدیک گر کر تباہ ہوگیا۔ حادثے میں اسرائیلی ایئر فورس کا انسٹرکٹر اور کیڈٹ ہلاک ہوگئے۔ حادثے میں ہلاک ہونے والا انسٹرکٹر ایف سولہ اُڑانے کی تربیت دیا کرتا تھا۔

یہ خبر بھی پڑھیں فلسطینی قیدی ماہر الاخرس کا کارنامہ، اسرائیلی حکومت نےگھٹنے ٹیک دیے

اسرائیلی ایئرفورس نے واقعہ کی تحقیقات کے احکامات جاری کردیے ہیں۔ادھر اسرائیل کے سرکاری میڈیا کے مطابق نجوی کے علاقے میں ایک ہیلی کاپٹر گر کر تباہ ہوگیا ۔

حادثے کی ابتدائی اطلاعات میں کہا گیا تھا کہ ہیلی کاپٹر تباہ ہونے سے 2 افراد شدید زخمی ہوئے ہیں تاہم بعدازاں دوافراد کی ہلاکتوں کی تصدیق کردی گئی۔ ابھی تک ہیلی کاپٹر تباہ ہونے کے اسباب کے بارے میں تفصیلات سامنے نہیں آسکے ہیں۔

متعلقہ مضامین

Back to top button