بحرین میں اسرائیلیوں کیلئے کوئی جگہ نہیں ہے۔ جمعیت الوفاق
شیعت نیوز : بحرین کی سیاسی جماعت جمعیت الوفاق نے کہا ہے کہ بحرین میں صیہونیوں کیلئے کوئی جگہ نہیں ہے۔
بحرین کی سیاسی جماعت جمعیت الوفاق نے ایک بیان جاری کرتے ہوئے کہا ہے کہ بدنام زمانہ اسرائیل کی جاسوس ایجنسی موساد کے ڈائریکٹر یوسی کوھن کا ممکنہ دورۂ بحرین، اس ملک کے عوام کے حق میں بڑی خیانت، جرم، قومی اصولوں سے انحراف، اقدار کی پامالی اور اسلامی و قومی تشخص کو پاؤں تلے روندنے کے مترادف ہے۔
یہ بھی پڑھیں : سعودی عرب بھی عرب امارات اسرائیل ڈیل میں شامل ہو جائیگا، ٹرمپ کا انکشاف
جمعیت الوفاق نے کہا کہ بحرین میں صیہونیوں کیلئے کوئی جگہ نہیں ہے اور بحرینی عوام اس ملک میں صیہونیوں کے اثر و رسوخ کو روکنے کی بھرپور کوشش کریں گے۔
واضح رہے کہ بدنام زمانہ اسرائیل کی جاسوس ایجنسی موساد کے ڈائریکٹر یوسی کوھن بروز پیر متحدہ عرب امارات کے حکام سے گفتگو کرنے کیلئے ابو ظہبی پہنچے تھے جس کے بعد انہوں نے ابوظبی میں متحدہ عرب امارات کے قومی سلامتی کے مشیر شیخ طحنون بن زاید النہیان سے ملاقات کی جس کی تفصیلات سامنے نہیں آئیں۔
یہ بھی پڑھیں : اسرائیل سے تعلقات کے فائدے
ذرائع کا کہنا ہے کہ موساد کے ڈائریکٹر یوسی کوھن متحدہ عرب امارات سے بحرین جانے کا ارادہ رکھتے ہیں۔
موساد کے ڈائریکٹر یوسی کوھن ان افراد میں شامل ہیں جنہوں نے اسرائیل اور متحدہ عرب امارات کے مابین تعلقات کی برقراری میں کلیدی کردار ادا کیا۔
