غزہ میں امریکی و صیہونی نواز سعودی ٹیلی ویژن چینلوں کی نشریات پر پابندی

شیعت نیوز : فلسطین کی استقامتی تحریک حماس نے غلط پروپیگنڈوں اور جھوٹی خبریں نشر کرنے کی وجہ سے سعودی عرب کے العربیہ اور الحدث ٹیلی ویژن چینلوں کی نشریات پر پابندی عائد کردی۔

ارنا خبررساں ایجنسی کی رپورٹ کے غزہ میں فلسطین کی وزارت داخلہ نے سعودی عرب کے العربیہ اور الحدث ٹیلی ویژن چینلوں کی نشریات پر پابندی عائد کر دی ہے۔

فلسطینی وزارت نے اعلان کیا ہے کہ یہ پابندی غلط پروپیگنڈوں، جھوٹی رپورٹیں نشر اور بے بنیاد الزامات عائد کرنے کے سبب عائد کی گئی ہے۔

یہ بھی پڑھیں : یمن میں اسرائیل کے ساتھ دوستانہ تعلقات استوار کرنے کی مہمات مسترد

فلسطین کی اسلامی مزاحمتی تنظیم حماس نے ایک بیان میں فلسطینیوں کے خلاف العربیہ اور بعض دیگر عرب ذرائع ابلاغ کے پروپیگنڈوں کی مذمت کی ہے۔

چند روز قبل بھی غزہ کے داخلی امور کی وزارت نے سعودی عرب کے ٹیلی ویژن چینل العربیہ کے دعوے کو مسترد کرتے ہوئے کہا تھا کہ العربیہ ٹیلی ویژن چینل سعودی آلہ کار کے طور پر کام کر کے رائے عامہ کو گمراہ کرنے کیلئے غلط اور جھوٹا پروپگنڈہ کرتا ہے۔

فلسطین کی سیاسی اور ثقافتی شخصیات نے متعدد بار العربیہ ٹیلی ویژن چینل کے اسرائیل کے ساتھ ہم آواز ہونے پر کڑی نکتہ چینی کی۔

یہ بھی پڑھیں : حزب اللہ اور تحریک جہاد اسلامی کا اتحاد اہم ہے۔ فلسطینی مزاحمتی رہنما

واضح رہے کہ العربیہ اور الحدث ٹیلی ویژن چینلوں نے حماس اور القسام بریگیڈ کے خلاف زہریلا پروپیگںڈہ شروع کر رکھا ہے۔ حال ہی میں اُس نے دعوی کیا تھا کہ القسام بریگیڈ کے 16 اراکین کو اسرائیل کیلئے جاسوسی کرنے کے الزام کے تحت گرفتار کر لیا گیا ہے۔

اس قسم کے اقدامات اور پروپگنڈوں سے وہ خطے میں امریکی اور اسرائیلی مفادات کو تحفظ فراہم کرنے کی پالیسی پر گامزن ہیں۔

حماس نے اپنے بیان میں کہا ہے کہ سعودی عرب کے ٹی وی چینل العربیہ کا مقصد فلسطینی مزاحمت کو کمزور بناکر اسے نقصان پہنچانا ہے۔