فجرعظیم مہم میں شرکت فلسطینیوں پر واجب ہے۔ الشیخ عکرمہ صبری

شیعت نیوز : فلسطین کے ممتاز عالم دین اور مسجد اقصیٰ کے خطیب الشیخ عکرمہ صبری نے فلسطین بھرمیں کل جمعہ سے فجرعظیم مہم دوبارہ شروع کردی گئی ہے۔ اس مہم میں شرکت تمام فلسطینیوں پر واجب ہے۔

رپورٹ کے مطابق الشیخ عکرمہ صبری نے کہا کہ فجرعظیم مہم کا مقصد غرب اردن کے الحاق اور فلسطین کو یہودیانے کے صیہونی منصوبے کو مسترد کرنا ہے۔ پوری فلسطینی قوم اسرائیلی سازشوں کےخلاف فجرعظیم مہم میں ساتھ دے۔

یہ بھی پڑھیں : غرب اردن کا الحاق روکنے کے لیے تمام وسائل استعمال کیے جائیں۔ صالح العاروری

الشیخ عکرمہ صبری نے فلسطینیوں پر زور دیا کہ وہ مسجد اقصیٰ میں نماز کی ادائیگی اور حاضری یقینی بنانے کی کوشش کریں۔ پرانے بیت المقدس کے فلسطینی مسلمان مسجد اقصیٰ کی حفاظت کو اپنی ذمہ داری سمجھیں اور تمام نمازیں مسجد اقصیٰ میں ادا کریں۔

الشیخ صبری نے خبردار کیا کہ مسجد اقصیٰ میں نمازیوں کی زیادہ سے زیادہ تعداد صیہونی دشمن کو مقدس مقام کی بے حرمتی سے باز آنے پرمجبور کرے گی اور اس طرح قبلہ اوّل کا دفاع بہتر طریقے سے ممکن ہوسکے گا۔

یہ بھی پڑھیں : ایرانی سفیر غریب آبادی کا عالمی جوہری ادارے میں ایران کے خلاف اشتعال آمیز اقدامات پر انتباہ

انہوں نے کہا کہ اسرائیلی دشمن پرانے بیت المقدس کے مسلمانوں کو قبلہ اوّل میں آنے سے روکنے لیے فوج، پولیس اور نام نہاد سیکیورٹی اداروں کا استعمال کررہا ہے۔ فلسطینی قوم کو چاہیے کہ وہ صیہونی فوج اور پولیس کے تمام ہتھکنڈے مسترد کریں۔

خیال رہے کہ فلسطینی مذہبی قوتوں اور سماجی کارکنوں نے کل جمعہ سے پورے فلسطین میں فجرعظیم مہم کی کال دی ہے۔ اس مہم کا مقصد نماز فجر میں نمازیوں کی زیادہ سے زیادہ تعداد کو شامل کرنا ہے۔ یہ مہم کورونا وبا پھیلنے سے قبل بھی جاری رہی تھی مگر کورونا کی وجہ سے یہ متاثر ہوگئی تھی ۔