شہید ونگ کمانڈر نعمان اکرم نے اہل وطن سے دوستی کی اعلیٰ مثال قائم کردی

شیعت نیوز: پاک فضائیہ کے ایف16طیارے کے حادثے میں شہید ہونے والے ونگ کمانڈر نعمان اکرم نے اہل وطن سے دوستی کی اعلیٰ مثال قائم کردی۔ پاک فضائیہ کے شہید ونگ کمانڈر نعمان اکرم نے شہری آباد کو بڑے نقصان سے بچانے کے لیے شہادت کو گلے لگایا وگرنہ وہ باآسانی ایف-16 طیارے سے نکل سکتے تھے۔ پاک فضائیہ کے شاہین نے آخری وقت تک طیارے کو آبادی میں گرنے سے بچایا۔

یہ بھی پڑھیں: یہ تاثرسراسرغلط ہے کہ کورونا وائرس کے تمام مریضوں کا تعلق صرف کراچی یا سندھ سے ہے، ناصرشاہ

ذمہ دار ذرائع کے مطابق تباہ ہونے والے طیارے کو انہوں نے پاک چائنہ فرینڈ شپ سینٹر میں بھی داخل ہونے سے روکا۔ ایف-16 طیارے میں گرنے سے قبل آگ لگی ہوئی تھی۔ آگ طیارے کے پچھلے حصے میں لگی تھی۔ حادثے کا شکار ہونے والا طیارہ شکر پڑیاں میں چاند تارا چوک سے ملحقہ گرین بیلٹ میں گرا۔ پاک فضائیہ کے ایف -16 طیارے کے حادثے میں ونگ کمانڈرنعمان اکرم نے جام شہادت نوش کیا ہے۔

یہ بھی پڑھیں: تفتان میں پھنسے گلگت بلتستان کے زائرین کی واپسی کیلئےسٹئیرنگ کمیٹی کا اہم اجلاس

طیارہ گرنے کے بعد دور سے ہی دھویں کے بادل اٹھتے دکھائی دیتے رہے تھے۔ حادثے کے فوری بعد سیکیورٹی اداروں کی ٹیمیں جائے حادثہ پر پہنچ گئی تھیں اور انہوں نے علاقے کو گھیرے میں لے لیا تھا۔ سیکیورٹی فورسز نے جائے حادثے کی جانب جانے والے تمام راستوں کو بھی عارضی طور پر بند کر دیا تھا۔ پاک فضائیہ کا طیارہ 23 مارچ کی تیاریوں کے حوالے سے ہونے والی ریہرسل پر تھا جو گزشتہ ایک ہفتے سے جاری تھیں۔

 

مماثل خبریں

یہ خبرلازمی پڑھیں: پاک فضائیہ کا ایف 16 طیارہ گر کر تباہ، ونگ کمانڈر نعمان اکرم شہید

یہ خبرلازمی پڑھیں: پاک فضائیہ کے طیارے کو حادثہ اور ونگ کمانڈرنعمان اکرم کی شہادت، علامہ راجہ ناصرعباس کا اظہار تعزیت