ایران کورونا وائرس پر قابو پانے کی صلاحیت رکھتا ہے۔ عالمی ادارہ صحت

شیعت نیوز: عالمی ادارہ صحت ڈبلیو اچ او کا کہنا ہے کہ ایران کورونا وائرس پر قابوپانے کی بھرپورصلاحیت رکھتا ہے اور جلد ایران بھرسے کورونا کا خاتمہ ہوگا۔

رپورٹ کے مطابق عالمی ادارہ صحت ڈبلیو اچ او کے وفد نے ایران کے اسپتالوں کا دورہ کرنے کے بعد کہا ہے کہ ایران کورونا سے نمٹنے کے لئے پوری طرح تیار ہے اور ہمیں یقین ہے کہ ایران، آسانی سے اس وائرس پر کنٹرول حاصل کر لے گا۔

یہ بھی پڑھیں : ایدھی فاؤنڈیشن پاکستان کی ایران میں کورونا وائرس کی روک تھام کیلئے 2لاکھ ڈالرامداد

عالمی ادارہ صحت کے وفد نے اپنے ماہرین کی ایک ٹیم کے ساتھ ایران کے اسپتالوں کا دورہ کیا اور بیماروں کے علاج کے طریقہ کار کا جائزہ لیا۔ ڈبلیو اچ او کے وفد کا کہنا تھا کہ ایران میں علاج کی بہترین سہولیات موجود ہیں۔

یہ بھی پڑھیں : کورونا وائرس سےنجات کی راہ میں جاں بحق ہونے والے شہدا میں شامل

ڈبلیو اچ او نے کہا کہ کورونا ہو یا کوئی اور وائرس اس پر کنٹرول کرنے میں سب سے اہم کردار اداروں اور عام لوگوں کے درمیان تعاون کا ہوتا ہے اور ایران میں ہم یہ چیز بہت اچھی حالت میں دیکھ رہے ہیں۔

عالمی ادارہ صحت کے وفد نے ایرانی ڈاکٹروں کا شکریہ ادا کیا اور کہا کہ ایران میں کورونا سمیت ہر طرح کی بیماری کی روک تھام کی پوری صلاحیت پائی جاتی ہے اور ایران نے یہ مشکل سامنے آنے کے بعد اپنی اس صلاحیت کا ثبوت دیا ہے۔

درایں اثنا ایران کی وزارت صحت نے اعلان کیا ہے کہ اب تک ملک میں کورونا کے دوہزار سات سو اکتیس مریض صحتیاب ہوچکے ہیں۔

ایران کی وزارت صحت کے شعبہ تعلقات عامہ کے سربراہ کیانوش جہانپور نے صحافیوں کو بتایا کہ ایران میں اب تک کورونا کے 8ہزار42 مریضوں کا پتہ چلا ہے جن میں 291 مریض اپنی جان سے ہاتھ دھو چکے ہیں۔