ملک میں متناسب نمائندگی کے نظام کو رائج کیا جائے،علامہ مقصودڈومکی

شیعت نیوز: مجلس وحدت مسلمین پاکستان کے مرکزی ترجمان علامہ مقصود علی ڈومکی کا دورہ کندھ کوٹ۔ضلعی سیکرٹری جنرل میر فائق علی جکھرانی کی رہائشگاہ پر سردار حیدر علی جکھرانی سے ملاقات مختلف امور پر تبادلہ خیال ۔

یہ بھی پڑھیں: احتجاج رنگ لےآیا، مشہد میں پاکستانی قونصلیٹ کی زائرین کو رہائش اورکھانے کی سہولیات کی فراہمی

انہوں نے کندھ کوٹ میں سردار احمد علی خان بنگوار سے بھی ملاقات کی۔ اس موقعہ پر ضلعی سیکرٹری جنرل میر فائق علی جکھرانی و دیگر ان کے ہمراہ تھے۔اس موقع پر گفتگو کرتے ہوئے علامہ مقصود علی ڈومکی نے کہا ہے کہ مجلس وحدت مسلمین عوام کی خدمت پر یقین رکھتی ہے ہم اقدار کی سیاست کے امین ہیں انبیائے کرام اور آئمہ اھل البیت ع کی سیاست کا مقصد اقتدار نہیں بلکہ اعلی انسانی اقدار کا تحفظ تھا۔

یہ بھی پڑھیں: ماہ مقدس رجب برکتوں اور فضیلتوں کے ساتھ اپنے رب کو راضی کرنے کا مہینہ ہے،علامہ عون نقوی

علامہ مقصود علی ڈومکی نےکہا کہ اھل انسانوں کو نظرانداز کرکے پیسے دھونس اور دھاندلی سے نا اھلوں کا بر سر اقتدار آجانا ہی ہمارے معاشرے کا المیہ ہے۔ آئندہ بلدیاتی انتخابات سمیت ہر انتخابی مرحلے میں آئین کی دفعہ 61 اور 62 پر عمل در آمد ضروری ہے۔

یہ بھی پڑھیں: اقوام متحدہ اور انسانی حقوق کی عالمی تنظیمیں بھارت میں مسلم کش فسادات کا نوٹس لیں،علامہ سبطین سبزواری

انہوں نے مطالبہ کیا کہ ملک میں متناسب نمائندگی کے نظام کو رائج کیا جائے جس میں ووٹ ضائع نہیں ہوتے اور اھل انسان اقتدار تک پہنچتے ہیں۔ وطن عزیز پاکستان کے حالات متناسب نمائندگی کا تقاضا کرتے ہیں۔