اہم ترین خبریںپاکستان

آئی ایس اوکے بغیرطلبہ یونین کی بحالی کا خواب ادھوراہے، ترجمان آئی ایس او

طلبہ یونین کی بحالی کے لئے بنائی گئی اسٹینڈنگ کمیٹی کے اجلاس میں ملک گیر طلباء تنظیم آئی ایس او کو نہ بلانا طلبہ یونین کی بحالی کے خلاف ہے

شیعت نیوز: امامیہ اسٹوڈنٹس آرگنائزیشن پاکستان کراچی ڈویژن کے ترجمان نے کہا ہے کہ سندھ اسمبلی کی جانب سے طلبہ یونین کی بحالی کے لئے بنائی گئی اسٹینڈنگ کمیٹی کے اجلاس میں ملک گیر طلباء تنظیم آئی ایس او کو نہ بلانا طلبہ یونین کی بحالی کے خلاف ہے، حکومت اور اراکینِ پارلیمنٹ اور اسٹینڈنگ کمیٹی کے اس اقدام سے یہ واضح ہے کہ وہ طلبہ یونین کی بحالی کے لئے سنجیدہ نہیں کیونکہ طلبہ کی نمائندگی آئی ایس او کے بغیر ناممکن ہے۔

یہ بھی پڑھیں: آزادی نسواں کی جدوجہد جناب سیدہ ؑ کے روشن کردہ اصولوں کے مطابق کی جائے، علامہ رضی جعفر نقوی

ایک بیان میں ترجمان آئی ایس او نے کہا کہ جن اراکین پارلیمنٹ کو یہی نہ پتہ ہو طلباء کے حقوق کے لئے کونسی تنظیم ملکی سطح پر کوششیں کر رہی ہے اور طلبہ کی رہنمائی کے لئے اور طلبہ یونین کی بحالی کے لئے اقدامات کر رہی ہے، وہ کسی طور بھی طلبہ حقوق سے مخلص نہیں۔

یہ بھی پڑھیں: دورحاضر کی یزیدیت کا مقابلہ کرنے کیلئےحضرت فاطمہ الزہرا ؑکی تعلیمات پر عمل کرنا واجب ہے،علامہ راجہ ناصرعباس

انہوں نے مزید کہاکہ آئی ایس او وہ تنظیم ہے جس نے متحدہ طلبہ محاذ کو کراچی و ملکی سطح پر دوبارہ فعال کرنے میں دیگر جماعتوں کے ساتھ نمایاں کردار ادا کیا، آئی ایس او کی طلباء کے لئے بہت سی خدمات ہیں، جن میں چند ایک پری بورڈ کا انعقاد، کیریئر گائیڈنس سیمینار، طلبہ کی اسکالر شپس، بک بینک کا انعقاد اور دیگر چیزیں شامل ہیں جو پورا سال جاری رہتی ہیں، ایسی تنظیم کو طلبہ یونین سے منعقدہ اجلاس میں نہ بلانا طلبہ کے حقوق کو دبانے کے مترادف ہے۔

متعلقہ مضامین

Back to top button