امریکہ نے جنرل قاسم سلیمانی پر نہیں بلکہ عالم اسلام پر حملہ کیا ہے،ملی یکجہتی کونسل جنوبی پنجاب
اجلاس میں شہدائے بغداد جنرل قاسم سلیمانی، ابو مہدی المہندس، اُن کے رفقاء اور کوئٹہ میں سیٹلائٹ ٹاون کی مسجد میں بم دھاکے میں ہونیوالے شہداء کے ایصال ثواب کے لیے فاتحہ خوانی کی گئی۔
شیعت نیوز: ملی یکجہتی کونسل جنوبی پنجاب کا اجلاس صوبائی صدر میاں آصف محمود اخوانی کی زیرصدارت ”دارالسلام” دفتر جماعت اسلامی میں منعقد ہوا، اجلاس میں ملی یکجہتی کونسل کے جنرل سیکرٹری اور جمعیت علمائے پاکستان(نورانی) کے مرکزی رہنما محمد ایوب مغل، خطبات کمیشن کے سربراہ جماعت اسلامی ملتان کے ضلعی امیر ڈاکٹر صفدر ہاشمی، مرکزی نائب صدر ۔
یہ بھی پڑھیں: جب آپ سعودی مرضی کے بغیر ملیشیانہیں جاسکتے تو ایران کے ساتھ مصالحت کیسے کرواسکتے ہیں، علامہ جوادنقوی
ایم ڈبلیو ایم جنوبی پنجاب کے صوبائی سیکرٹری جنرل علامہ اقتدار حسین نقوی، تحریک جوانان پاکستان کے رہنما بلال قریشی، اسلامی تحریک کے ترجمان بشارت عباس قریشی، پاکستان عزاداری کونسل کے سربراہ علامہ سید مجاہد عباس گردیزی، عالمی مجلس تحفظ ختم نبوت کے رہنما قاری محمد انس، جمعیت علمائے اسلام کے رہنما مولانا ابوبکر عثمان اور دیگر نے شرکت کی۔
یہ بھی پڑھیں: سعودی عرب اور ایران کے درمیان جنگ پاکستان کے لیے تباہ کن ثابت ہوگی،عمران خان
اجلاس میں شہدائے بغداد جنرل قاسم سلیمانی، ابو مہدی المہندس، اُن کے رفقاء اور کوئٹہ میں سیٹلائٹ ٹاون کی مسجد میں بم دھاکے میں ہونیوالے شہداء کے ایصال ثواب کے لیے فاتحہ خوانی کی گئی۔
یہ بھی پڑھیں: امت مسلمہ کا اتحاد خطے سے عالمی سامراج کے خاتمے کا پیش خیمہ ثابت ہوگا، علامہ باقر زیدی
اجلاس سے خطاب کرتے ہوئے ملی یکجہتی کونسل جنوبی پنجاب کے صدر میاں آصف محمود اخوانی کا کہنا تھا کہ امریکہ نے ایرانی جنرل پر حملہ نہیں کیا بلکہ عالم اسلام پر حملہ کیا ہے، امریکہ عالم اسلام کو توڑنے کی سازش کافی عرصے سے کر رہا ہے۔
یہ بھی پڑھیں:جنرل قاسم سلیمانی کی شہادت پر ہماری حکومت کا موقف بزدلانہ ہے، صاحبزادہ حامد رضا
دیگر رہنمائوں کا کہنا تھا کہ امریکی حملہ عین اُس وقت کیا گیا، جب ایران اور سعودی عرب کے درمیان حالات بہتری کی جانب جا رہے تھے، جو امریکہ کو قبول نہیں۔
