ایم ڈبلیوایم کے وفدکی قونصلیٹ جنرل ایران سے ملاقات ، امریکی جارحیت کی مذمت اور قاسم سلیمانی کی شہادت پراظہارتعزیت
وفد میں علامہ سید حسن ظفرنقوی، علامہ سید باقرعباس زیدی ، علامہ صادق جعفری، علامہ ملک غلام عباس، میر تقی ظفر اور دیگر بھی شامل تھے ۔
شیعت نیوز: مجلس وحدت مسلمین کے اعلیٰ سطحی وفد نے قونصلیٹ جنرل اسلامی جمہوری ایران کراچی آقائی احمد محمدی سے ملاقات کی ہے ۔
وفد میں علامہ سید حسن ظفرنقوی، علامہ سید باقرعباس زیدی ، علامہ صادق جعفری، علامہ ملک غلام عباس، میر تقی ظفر اور دیگر بھی شامل تھے ۔
یہ بھی پڑھیں: خانہ فرہنگ اسلامی جمہوریہ ایران کراچی کے زیر اہتمام شہید سلیمانی ؒ ورفقاءکی یاد میں تعزیتی ریفرنس کا انعقاد
ایم ڈبلیوایم کے قائدین نے قونصلیٹ جنرل سے سردار رشید اسلام حاج قاسم سلیمانی ؒ اور ان کے رفیق مجاہدین اسلام کی قابل فخر شہادت پر ہدیہ تبریک وتسلیت پیش کیا۔
علامہ سید حسن ظفرنقوی نے گفتگو کرتے ہوئے شہید قاسم سلیمانی اور ان کے رفقاءکی عظیم قربانی خراج عقیدت پیش کرتے ہوئے کہاکہ سردار قاسم سلیمانی نےمکتب اسلام کا سر فخر سے بلند کردیا ہے ۔
یہ بھی پڑھیں: ایم کیوایم کے وفدکی جعفریہ الائنس کے رہنماؤں سے قاسم سلیمانی کی شہادت پر تعزیت
انہوں نے کہاکہ امریکہ نے ایک مرتبہ پھرعالمی قوانین کی کھلم کھلا خلاف ورزی کرتے ہوئے بغدادمیں سردار قاسم سلیمانی ، ابو مہدی المہندس اور ان کے ساتھیوں کو میزائل حملے میں شہید کیا۔
ایم ڈبلیوایم رہنماؤں نے کہاکہ پوری پاکستانی قوم دکھ کی اس گھڑی میں اپنی برادر ایرانی قوم کے شانہ بشانہ کھڑی ہے ۔ ہم رہبر معظم انقلاب حکم کے مطیع ہیں ۔
یہ بھی پڑھیں: تمام شیعہ تنظیمات کا 12 جنوری کو اسمبلی ہال تا امریکی قونصلیٹ لاہور مردہ باد امریکہ ریلی نکالنے کااعلان
قونصلیٹ جنرل ایران آقائی احمد محمدی نے کہاکہ امریکا کواس جنایت کاری کا سخت حساب دینا ہوگا۔ پاکستان کے غیور عوام کی جانب سے اظہار یکجہتی پر اسلامی جمہوریہ ایران مشکورہے ۔
آخر میں ایم ڈبلیوایم کے رہنما علامہ سید حسن ظفرنقوی اور علامہ صادق جعفری نے قونصل خانے میں موجود تعزیتی کتا ب میں اپنے تاثرات اور تعزیتی کلمات بھی قلم بند کیئے۔
