حکومت سندھ گستاخ اہلبیتؑ کے خلاف فوری کاروائی کرے،علامہ اقتدار نقوی

شیعت نیوز :حکومت سندھ اور قانون نافذ کرنے والے ادارے دادو میں فرزند رسولؐ امام زمانہ (عج) کی شان میں بدترین گستاخی کرنیوالے تکفیری دہشتگرد عبدالستار کے خلاف فوری کاروائی کرتے ہوئے اسے نشان عبرت بنائیں۔اہلبیتؑ رسولؐ کی شان میں گستاخی کرنے والے صوبہ سندھ سمیت ملک بھر میں فرقہ وارانہ فسادات کروانے کے درپے ہیں۔

مجلس وحدت مسلمین جنوبی پنجاب کے سیکرٹری جنرل علامہ سید اقتدار حسین نقوی نے کہا ہے کہ حکومت سندھ اور قانون نافذ کرنے والے ادارے فرزند رسولؐ حضرت امام مہدی (عجل اللہ تعالیٰ فرجہم شریف) کی شان میں گستاخی کرنے والے تکفیری دہشتگرد عبدالستار کے خلاف فوری کاروائی کرتے ہوئے اسے عبرت کا نشان بنائیں۔مجلس وحدت مسلمین صوبہ جنوبی پنجاب کے سیکرٹری جنرل کا کہنا تھا کہ سندھ حکومت پر یہ ذمہ داری عائد ہوتی ہے کہ وہ خاندان رسالتؑ کے خلاف کی جانے والی توہین کا فوری نوٹس لے اورعبدالستار نامی دہشتگرد کے خلاف سخت ایکشن لے، تاکہ سرزمین اولیاء اللہ صوبہ سندھ سمیت پورے ملک میں فرقہ وارانہ آغ میں جھونکنے کی سازشوں کو ناکام بنایا جا سکے۔

یہ بھی پڑھیں :گستاخِ امام زمانہ ؑ، ملعون عبد الستار جمالی تبلیغی مرکز رائیونڈ فرار، باپ اور بھائی گرفتار

علامہ اقتدار نقوی کا کہنا تھا کہ اس وقت پاکستان سمیت دنیا بھر سے عاشقان اہلبیتؑ کے دل زخمی ہیں ،اگرگستاخ اہلبیتؑ عبدالستار کے خلاف فوری کاروائی نہ کی گئی تو حالات کی ذمہ داری سندھ حکومت پر عائد ہوگی۔علامہ اقتدار نقوی نے مزید کہا کہ اے ریاست مدینہ کے دعویداروں آج تاجدار مدینہ کا دل زخمی کردیا گیا ہے۔ اُنہوں نے کہا کہ اگر اتوار تک اس گستاخ اہلبیتؑ کے خلاف کاروائی نہ کی گئی تو ملک بھر میں احتجاج کا سلسلہ شروع کریں گے۔