چہلم شہدائے کربلا ؑپر بہترین سکیورٹی انتظامات، شیعہ علماءکونسل کا لاہور پولیس کو خراج تحسین

شیعت نیوز: شیعہ علماء کونسل ضلع لاہور کے صدر قاسم علی قاسمی کی قیادت میں وفد نے سی سی پی او لاہور بی اے ناصر سےملاقات کی اور چہلم حضرت امام حسین علیہ السلام کے موقع پر سکیورٹی کے بہترین انتظامات یقینی بنانے پرانہیں تعریفی شیلڈ پیش کی۔ اس موقع پر علامہ حافظ کاظم رضا نقوی اور توقیر حسین بابا بھی موجود تھے۔

سی سی پی او نے وفد کا شکریہ ادا کرتے ہوئے کہا کہ محرم الحرام اور چہلم کے موقع پر لاہور پولیس نے شہریوں بالخصوص عزاداروں کے تحفظ کے لئے تمام ممکنہ اقدامات کئے، شہریوں اور عزادار تنظیموں نے بھی پولیس کیساتھ بھرپور تعاون کیا۔

یہ بھی پڑھیں: آئی جی پنجاب عارف نواز کا چہلم امام حسینؑ کی سیکیورٹی پر افسروں اور جوانوں کو خراج تحسین

انہوں نے اس بات پر بھی اطمینان کا اظہار کیا کہ محرم الحرام کے دوران تمام مکاتب فکر کے علمائے کرام اور ذاکرین نے بین العقائد ہم آہنگی کی فضا برقرار رکھنے کیلئے اپنا بہترین کردار ادا کیا۔

شیعہ علماء کونسل کے وفد نے کہا کہ لاہور پولیس اپنے کمانڈر بی اے ناصر کی سربراہی میں فول پروف سکیورٹی انتظامات کرکے عوام کی توقعات پر پورا اتری ہے۔