افغانستان میں امریکی دہشت گرد فوج نے ایک ماہ میں 948 بم گرائے

شیعت نیوز : افغان ذرائع کا کہنا ہے کہ افغانستان میں دہشت گردی کے خلاف نام نہاد امریکی افواج نے ایک ماہ میں 948 بم گرائے۔

رپورٹ کے مطابق افغان ذرائع کا کہنا ہے کہ امریکی اتحادی افواج نے ایک ماہ میں افغانستان کے مختلف علاقوں پر میں 948 بم گرائے جس میں اکثرعام شہری جاں بحق یا زخمی ہوئے۔

یہ بھی پڑھیں : مشرقی افغانستان میں طالبان اور داعش کے درمیان جھڑپیں

فصیلات کے مطابق گزشتہ ماہ ستمبرمیں امریکی دہشت گرد افواج کے لڑاکا اور ڈرون طیاروں نے اس ملک کے مختلف علاقوں پر948 میزائل اور بم گرائے ۔

واضح رہے کہ امریکی وزیردفاع نے اعلان کیا تھا کہ طالبان کے ساتھ مذاکرات کے خاتمے کے بعد امریکی فضائی حملوں میں اضافہ کیا جائے گا۔

خیال رہے کہ گزشتہ سال امریکی افواج نے 7ہزار 362 میزائل یا بم گرائے تھے۔

امریکی دہشت گرد افواج افغانستان میں ہزاروں بم گرانے کے باوجود طالبان کو شکست دینے میں مکمل طور پر ناکام رہی ہیں۔

طالبان کے ترجمان کاکہنا ہے کہ طالبان نے گزشتہ 18 سال کی جدوجہد میں یہ ثابت کر دیا ہے کہ جب تک افغانستان سے تمام بین الاقوامی افواج کا انخلا نہیں ہوتا، وہ کسی دوسری چیز پرمطمئن نہیں ہوں گے۔ اس ہدف کے حصول تک جنگ جاری رہے گی۔