جوائنٹ ایکشن کمیٹی فار شیعہ مسنگ پرسنزکا 29ستمبر کو ملک بھرمیں احتجاج کا اعلان
واضح رہے کہ گذشتہ ہفتے بھی جوائنٹ ایکشن کمیٹی فار شیعہ مسنگ پرسنز کے زیراہتمام مخدوم شاہ محمود قریشی کے گھر کے سامنے علامتی دھرنا دیا گیا تھا
شیعت نیوز: جوائنٹ ایکشن کمیٹی فار شیعہ مسنگ پرسنزنے ملک بھر سے جبری طور پر لاپتہ افراد کی بازیابی کے لیے 29 ستمبر کو وزیر خارجہ اسلامی جمہوری پاکستان مخدوم شاہ محمود قریشی کے گھر کے سامنے احتجاجی دھرنے کا اعلان کردیا ہے ، جس میں جنوبی پنجاب بھر سے لاپتہ افراد کے لواحقین شرکت کریں گے، 29 ستمبر کے بعد یہ دھرنا مستقل طور پر لاپتہ افراد کی بازیابی تک وزیر خارجہ ہائوس کے سامنے دیا جائے گا۔
یہ بھی پڑھیں: آرمی چیف ،وزیراعظم اور چیف جسٹس شیعہ جوانوں کی جبری گمشدگیوں کےذمہ دار ہیں، جوائنٹ ایکشن کمیٹی فار شیعہ مسنگ پرسنز
واضح رہے کہ گذشتہ ہفتے بھی جوائنٹ ایکشن کمیٹی فار شیعہ مسنگ پرسنز کے زیراہتمام مخدوم شاہ محمود قریشی کے گھر کے سامنے علامتی دھرنا دیا گیا تھا، جس میں یہ مطالبہ کیا گیا تھا کہ اگر آئندہ اتوار تک لاپتہ افراد کو بازیاب نہ کرایا گیا تو یہ دھرنا مستقل طور پر دیا جائے گا۔
دوسری جانب جوائنٹ ایکشن کمیٹی فار شیعہ مسنگ پرسنز کے زیراہتمام 29 ستمبر کو ملتان کے علاوہ لاہور میں گورنر ہائوس، اسلام آباد میں پریس کلب اور کراچی میں بھی پریس کلب کے سامنے بیک وقت احتجاج کیا جائے گا۔
