ہمارے بے گناہ اسیران بہت جلد ان شاء اللہ پُرامن احتجاجی تحریک کی بدولت ہمارے ساتھ ہوں گے، قاسم شمسی
سید قاسم شمسی نے 25 محرام الحرام یوم شہادت امام زین العابدین علیہ السلام کے موقع پر اپنے پیغام میں کہا ہے کہ امام زین العابدین علیہ السلام حقیقی وارث و مبلغِ پیغامِ امامِ حسین علیہ السلام ہیں۔
شیعت نیوز: امامیہ اسٹوڈنٹس آرگنائزیشن پاکستان کے مرکزی صدر سید قاسم شمسی نے 25 محرام الحرام یوم شہادت امام زین العابدین علیہ السلام کے موقع پر اپنے پیغام میں کہا ہے کہ امام زین العابدین علیہ السلام حقیقی وارث و مبلغِ پیغامِ امامِ حسین علیہ السلام ہیں۔
انہوں نے کہا کہ امامؑ نے شہداء کے نظریے کو زندہ رکھا، دورِ حاضر کی کربلا میں بھی امام علیہ السلام کی زندگی سے درس لیتے ہوئے شہداء کی یاد کے ساتھ ساتھ شہداء کے راستے اور نظریے کو اپناتے ہوئے امربالمعروف و نہی عن المنکر انجام دیں اور طاغوتی طاقتوں کیخلاف برسرپیکار رہیں۔
یہ بھی پڑھیں: امام زین العابدینؑ نے دنیا کو واقعہ کربلا کی اصل حقیقتوں سے آگاہ کیا، علامہ سید ساجد علی نقوی
مرکزی صدر نے کہا کہ آج ملت تشیع پاکستان امام علیہ السلام کے یوم شہادت کو یوم اسیران کے عنوان سے منا کر اس عزم کا اظہار کر رہی ہے کہ نظریات کو کسی صورت قید نہیں کیا جا سکتا۔ قاسم شمسی نے کہا کہ ہمارے بے گناہ اسیران بہت جلد ان شاء اللہ پُرامن احتجاجی تحریک کی بدولت ہمارے ساتھ ہوں گے۔
