کالعدم دہشت گرد تنظیموں کی سرگرمیوں پر نظر رکھی جانی چاہئیے، علامہ مقصود ڈومکی
شیعت نیوز:کمشنر لاڑکانہ کی زیر صدارت محرم الحرام کے سلسلے میں اہم اجلاس ہوا۔ ڈویژن کے ڈپٹی کمشنرز، ایس ایس پیز، رینجرز افسران، علمائے کرام ،بانیان عزاداری کی شرکت۔اجلاس میں مجلس وحدت مسلمین پاکستان کے مرکزی ترجمان علامہ مقصود علی ڈومکی، سید علی اکبر شاہ، عبدالرزاق جلبانی و دیگر نے ایم ڈبلیو ایم اور ملت جعفریہ کی نمائندگی کی۔اس موقع پر اجلاس سے خطاب کرتے ہوئے علامہ مقصود علی ڈومکی نے کہا کہ لاڑکانہ ڈویژن مسلسل دہشت گردی کے نشانے پر رہا ہے، اس لئے کالعدم دہشت گرد تنظیموں کی سرگرمیوں پر نظر رکھی جائے۔
انہوں نے کہا کہ لیڈیز پولیس اور اسکاوٹس پر خصوصی توجہ کی ضرورت ہے۔
انہوں نے کہا کہ رات کے پہلے حصے میں کسی جگہ پر بجلی نہیں جانی چاہیئے کیونکہ ہر شہر اور قصبے میں عزاداری کے پروگرامز ہوتے ہیں۔
انہوں نے کہا کہ جیکب آباد میں دہشت گرد تنظیموں کی جانب سے شب عاشورہ دہشت گردی کا سانحہ قیامت صغریٰ سے کم نہ تھا۔
دہشت گرد گروہ کے خلاف پولیس اور رینجرز کی کارروائی لازمی ہے۔
انہوں نے کہا کہ مجلس وحدت مسلمین پاکستان قیام امن کے سلسلے میں ریاستی اداروں کے شانہ بشانہ ہوگی۔
