یہودیانے کا نیا حربہ، القدس شہر کی شاہراہیں یہودیوں کے نام سے موسوم

شیعت نیوز: فلسطین کے تاریخی اسلامی شہر مقبوضہ بیت المقدس کو یہودیانے کی اسرائیلی سازشیں عروج پر ہیں۔ اخباری رپورٹس کے مطابق صیہونی بلدیہ نے بیت المقدس کے سلوان ٹائون کی تمام گلیوں اور سڑکوں کے نام یہودی ربیوں کے نام پر رکھنے کی منظوری دی ہے۔

عبرانی اخبار ’’ہارٹز‘‘ کے مطابق اسرائیلی بلدیہ کا فیصلہ ناموں کی تبدیلی کے حوالے سے قائم کردہ پیشہ وارنہ کمیٹی کی رائے کے خلاف ہے اور غیر مناسب ہے کیونکہ سلوان میں اکثریت فلسطینی عرب باشندوں پر مشتمل ہے جب کہ اس جگہ صرف 12 صیہونی خاندان آباد ہیں۔

رپورٹ کے مطابق صیہونی بلدیہ نے سلوان کی پانچ گلیوں اور کئی چھوٹی اور بڑی سڑکوں کو یہودی ربیوں کے نام منسوب کیا مگر اسرائیل کی اپوزیشن جماعتوں نے اس فیصلے کی مخالفت کی ہے۔

کمیٹی کے رکن لورا فیرٹون اور یوسی حافیلات نے سلوان میں گلیوں اور سڑکوں کے نام یہودی ربیوں کے نام رکھنے کی مخالفت کی ہے۔