شہید علی رضا عابدی قتل کیس، سی ٹی ڈی کو بڑی کامیابی مل گئی

شیعیت نیوز: تفتیش کاروں کو معروف شیعہ سیاسی رہنما اور سابق رکن قومی اسمبلی علی رضا عابدی کے قاتلوں کی تلاش، کراچی میں سی ٹی ڈی حکام نے بڑی کارروائی کرتے ہوئے گرفتار ملزم کی نشاندہی پر مزید تین ملزمان کو دھر لیا۔ایس ایس پی سی ٹی ڈی نوید خواجہ نے کہا کہ ملزمان نے دو ہفتے مکمل منصوبہ بندی کرنے کے بعد علی رضا عابدی کو ٹارگٹ کر کے قتل کیا تھا۔کاؤنٹر ٹیررازم ڈیپارٹمنٹ (سی ٹی ڈی) نے فاروق نامی ملزم کی نشاندہی پر بڑی کارروائی کرتے ہوئے مزید تین ملزمان کو سلاخوں کے پیچھے ڈال دیا ہے۔ گرفتار ملزمان میں ابوبکر، حسیب اور فاروق شامل ہیں۔

کاؤنٹر ٹیررازم ڈیپارٹمنٹ کے ایس ایس پی نوید خواجہ کا کہنا ہے کہ علی رضا عابدی کیس ابتدا میں بلائنڈ مرڈر تھا۔ ملزمان نے آٹھ اور نو دسمبر سے علی رضا عابدی کی ریکی کا آغاز کیا۔ مکمل منصوبہ بندی کے بعد علی رضا عابدی کوٹارگٹ کرکے قتل کیا گیا۔ ملزمان نے مقتول کے دفتر اور ریسٹورنٹ کے علاوہ گھر کی بھی ریکی کی۔نوید خواجہ نے کہا کہ سی ٹی ڈی حکام کو شبہ ہے کہ گرفتار افراد کا تعلق لیاری کینگ وار یا پھر کرائے پر وارداتیں کرنے والے گروہ سے ہو سکتا ہے۔ واردات میں استعمال اسلحہ احتشام قتل سے بھی میچ ہوا ہے۔