گلگت بلتستان کے ہزاروں زائرین 12روز سے تفتان بارڈر پر محصور

شیعیت نیوز: گلگت بلتستان سے تعلق رکھنے والے ہزاروں زائرین پاک ایران بارڈرتفتان پر 12 دنوں سے محصورہیں۔متعلقہ حکام کانوائے کانام پر زائرین کو تنگ کررہے ہیں۔ زائرین نے کانوائے کی عدم فراہمی کے خلاف احتجاج شروع کردیاہے۔ زائرین نے پاک ایران شاہراہ پر دھرنا دیکر بلاک کردیا۔جس کی وجہ سے ایران کی جانب جانے والی اور واپس آنے والے سینکڑوں کنٹینر پھنس گئے۔زائرین نے تنگ آکر سڑکوں پر نکل کر احتجاج کیا اور حکام کے خلاف سخت نعرہ بازی کی۔زائرین نے کوئٹہ کی جانب پیدل مارچ بھی کیا تاہم کوئی مذاکرات کے لئے نہ آئے اور نہ ہی کسی نے انہیں یقین دہانی کرائی۔ پاک ایران تفتان بارڈر پر ہزاروں زائرین 12 دنوں سے محصورہیں۔جن میں خواتین،بچے اور بزرگ شامل ہے.میڈیا کو فون پر گفتگو کرتے ہوئے زائرین نے کہا ہے کہ اکثر زائرین کے پاس پیسے ختم ہوگئے۔جبکہ بیشتر افراد سخت سردی سے بیمار ہونے لگے ہیں۔زائرین کا تعلق گلگت بلتستان کے مختلف اضلاع سے ہیں۔12دنوں سے پھنسے گلگت بلتستان کے زائرین نے وزیراعظم، آرمی چیف اور کمانڈر ایف سی این اے سے نوٹس لینے کی اپیل کی ہے۔