بے جرم وخطا اسیری کا سلسلہ جاری،ایم ڈبلیوایم کراچی کے رہنما سبط اصغر پولیس کے ہاتھوں اغواء،نامعلوم مقام پر منتقل
شیعیت نیوز: شہر قائد میں ملت جعفریہ کےجوانوں کی بے جرم وخطا اسیری کا سلسلہ جاری،ایم ڈبلیوایم کراچی کے رہنما سبط اصغر پولیس کے ہاتھوں اغواءنامعلوم مقام پر منتقل ، تفصیلات کے مطابق ایم ڈبلیوایم کراچی ڈویژن کے رہنما سید سبط اصغر کو سادہ لباس پولیس اہلکاروں نےاورنگی ٹائون سے اس وقت اغواءکیا جب وہ اپنے محلے میں دوست احباب کے ساتھ بیٹھے ہوئے تھے، بعد ازاں انہیں نامعلوم مقام پر منتقل کردیا گیا ، ان کے اہل خانہ اور ایم ڈبلیوایم کے رہنما ان کی تلاش جاری رکھے ہوئے ہیں لیکن تاحال ا ن کے حوالے کوئی خیر خبر موصول نہیں ہوسکی ہے۔
دوسری جانب ترجمان ایم ڈبلیوایم نے کہاہے کہ مجلس وحدت مسلمین کراچی کے رہنما اورمعروف سماجی شخصیت سبط اصغر زیدی کے پولیس کے ہاتھوں بغیر وارنٹ گرفتاری(اغواء) کی بھرپور مذمت کرتے ہیں، سبط اصغر اونگی ٹائون کے رہائشی ہیں انہیں گزشتہ رات پولیس نے گھر کے سامنے سے گرفتار کیا مگر تاحال لاپتہ ہیں، سماجی رہنما سبط اصغر زیدی ضلع غربی میں کمشنر کراچی کے فوکل پرسن بھی ہیں،ممبر امن کمیٹی اور اتحاد بین المسلمین کے داعی سبط اصغر کی گرفتاری سے ملت جعفریہ میں بے چینی پائی جاتی ہے، سبط اصغر کو کس بنیاد پر گرفتار کر کے لاپتہ کیا گیا ؟؟وزیر اعلیٰ سندھ واقعہ کا فوری نوٹس لیں،وزیر اعلی و آئی جی سندھ سے سبط اصغر زیدی کی بازیابی کا مطالبہ کرتے ہیں۔
