کشمیری مسلمان بھائیوں کے ساتھ مذہبی و شعوری رشتہ ہے جو خون کے رشتے سے کہیں زیادہ مضبوط ہے،محمد عباس صدر آئی ایس او کراچی

شیعیت نیوز: امامیہ اسٹوڈنٹس آرگنائزیشن پاکستان کراچی ڈویژن کے صدر محمد عباس نے طلباء کے وفد سے گفتگو کرتی ہوئے کہا کہ کشمیری مسلمان بھائیوں کے ساتھ مذہبی و شعوری رشتہ ہے جو خون کے رشتے سے کہیں زیادہ مضبوط ہے۔کشمیری مسلمانوں پر طویل عرصے سے ظلم وستم ڈھایا جا رہا ہے جو کہ انسانی تاریخ کی بدترین مثال ہے۔ انہوں نے مزید کہا کہ مظلوم کشمیری عوام بھارتی فوجی درندوں کا شکار ہورہے ہیں ،آئے روز کشمیری مسلمانوں کو قتل کیا جاتا ہے یا بغیر مقدمات سالہا سال قید و بند کا نشانہ بنایا جاتا ہے۔ اسکے باوجود اقوام متحدہ اور انسانی حقوق کی تنظمیں ،بھارتی مظالم پر خاموش ہے۔ محمد عباس کامزید کہنا تھا مسئلہ کشمیر ایک انسانی مسئلہ ہے جس کے لئے تمام امت مسلمہ کو چاہیئے کہ وہ متحد ہو کر کشمیرکی آزادی کے لئے آواز بلند کرے۔ پاکستان اور کشمیرکی دھڑتی کے باسی ایک مضبوط بے نظیر تہذیب و ثقافت اور اسلامی اقدار کے حامل ہیں،یہ یک جان اور دو قلب ہیں،جن کو جبراً جدا نہیں رکھا جاسکتا۔ انہوں نے مزیدکہنا تھا کہ بانی پاکستان قائداعظم محمد علی جناح نے کشمیر کو وطن عزیز کی شہ رگ قرار دیا جبکہ شاعرمشرق ڈاکٹر علامہ محمد اقبال کے تصور پاکستان کومینار پاکستان کے سائے میں عملی جامہ پہنایاگیا اور پاکستان قائم ہوگیا جس کی تکمیل کشمیر کی آزادی کے بغیر مکمل نہیں ،محمد عباس کا مزیدکہناتھا کہ ۵ فروری مظلوم کشمیر یوں سے اظہار یکجہتی کا دن ہے۔کشمیر کی آزادی کے بغیر ڈاکٹر علامہ اقبال کا خواب تشنہ رہے گا۔ کشمیر کی آزادی کے لیے ۶ لاکھ افراد نے جام شہادت نوش کیا ، شہدا کی قربانیوں کو فراموش نہیں ہونے دیں گے، کشمیر ضرور آزاد ہوگا ، مظلوم اور دکھی انسانیت کو آزادی کی نعمت ملے گی اور تکمیل پاکستان کا ادھورا خواب جلد پورا ہوگا۔