ایم ڈبلیوایم سندھ میں بلدیاتی انتخابات 2019 میں بھرپور حصہ لے گی، علی حسین

شیعیت نیوز: مجلس وحدت مسلمین صوبہ سندھ کے پولیٹیکل سیکریٹری سید علی حسین نقوی نے تمام اضلاع کے سیکریٹری جنرل اور پولیٹیکل سیکریٹری صاحبان کو آمدہ بلدیاتی انتخابات 2019 کی بھرپور تیاری کی ہدایات جاری کی ہیں ، صوبائی سیکریٹریٹ سے جاری اپنے ایک پیغام میں انہوں نے کہاکہ ملک بھرمیں بلدیاتی انتخابات کا جلد انعقاد متوقع ہےلہذا سندھ کے تمام اضلاع اپنی ترجیحات کا فوری تعین کرکے ٹارگٹڈیونین کونسلز کی فہرستیں مرتب کرکے انتخابی پینلزکی تشکیل کا عمل شروع کردی اور شعبہ سیاسیات سندھ مکمل رپورٹ جلد ارسال کریں ۔
علی حسین نقوی نے کہاکہ سندھ بھر میں بلدیاتی نظام مفلوج ہے، عوام پانی ، بجلی ، گیس اور دیگر ضروریات زندگی سے محروم ہیں ، جگہ جگہ گندگی کے ڈھیر شہریوں کے لئے وبال جان بننے ہوئے ہیں، پیپلز پارٹی و ایم کیوایم کی ذاتی چپقلش نے کراچی سمیت پورے سندھ میں انتظامی بے ضابطگیوں کی سنگین مثالیں قائم کی ہیں ، انہوں نے مزید کہاکہ ایم ڈبلیوایم صوبہ سندھ میں بلدیاتی انتخابات میں بھرپور حصہ لے گی، تاحال کسی بھی سیاسی ومذہبی جماعت کے ساتھ الائنس یا سیٹ ایڈجسٹمنٹ کا حتمی فیصلہ نہیں کیا گیاہے، کسی بھی الائنس کا فیصلہ مرکزی پولیٹیکل کونسل کی مشاورت کے بعد کیا جائے گا۔