براہ راست سعودی انویسٹمنٹ پاکستان کی سلامتی کے لئے خطرہ ہے، مولانا گلزار نعیمی
شیعیت نیوز: معروف سنی اسکالرشیخ الحدیث مفتی گلزار احمد نعیمی نے خدشہ ظاہر کیاہے کہ سعودی عرب کی براہ راست پاکستان میں انوسٹمنٹ کسی نئے فتنے کو جنم دیگی۔
یہ بات انہوں نے ایک نجی ویب سائٹ کو دیئے گئے انٹرویو میں کہی ، ان سے سوال کیا گیا کہ محمد بن سلمان پاکستان کے دورے پر آرہا ہے، پندرہ ارب کی انوسٹمنٹ بھی کریگا، اس پر کیا کہتے ہیں۔ اس سے پاکستان کے حالات پر کوئی فرق پڑیگا۔؟
مفتی گلزار نعیمی کا کہنا تھا کہ اگر معاشی حالات پر کوئی فرق پڑے بھی تو میں یہ سمجھتا ہوں کہ ہمیں اس طرح براہ راست کسی ملک کو انویسٹمنٹ نہیں کرنے دینی چاہیئے، یہ چیز پاکستان کی سلامتی کے لیے خطرناک ثابت ہوسکتی ہے۔ یہ سرمایہ کاری چاہیئے اسلامی ملک کی جانب سے ہو یا غیر اسلامی ملک کی طرف سے۔ ہر ریاست اپنے دفاع کو ترجیح دیتی ہے، بعض اسلامی ممالک کی براہ راست مداخلت نے فرقہ واریت کو ہوا دی ہے، سابقہ تجربات اور حالات ہمارے سامنے ہیں۔ پاکستان میں ایک خاص مسلک کو سپورٹ کیا گیا ہے، انہیں فنانشلی مضبوط کیا گیا، دیگر مکاتب فکر کو دیوار سے لگایا گیا۔ یہ انویسٹمنٹ شروع میں اچھی لگتی ہے لیکن بعد میں اس کے نتائج بھگتنے پڑتے ہیں۔ بس اتنا کہنا چاہتا ہوں کہ اپنی شرائط پر سرمایہ کاری کرنے دیں۔
