یوم نکبہ کے مظاہرے، اسرائیلی بربریت میں شہید ہونے والے فلسطینیوں کی تعداد 50 ہوگئی، 2000 زخمی
امریکی سفارت خانے کی تل ابیب سے بیت المقدس منتقل کے ساتھ غزہ پٹی میں لاکھوں نے افراد نے واپسی مارچ کیا اور مشرقی خان یونس میں اسرائل کی تعمیر کردہ حائل دیوار کے اہم حصوں کو منہدم کردیا۔
اسرائيلی فوجیوں نے نہ صرف فلسطینی مظاہرین پر حملے کیے بلکہ مشرقی غزہ کی سرحدوں کے قریب میڈیا کے نمائندوں کی گاڑی پر حملہ کیا۔
اسرائيلی فوج کے نشانے باز مشرقی جبالیہ میں مظاہرہ کرنے والے فلسطینیوں کو بدستور براہ راست فائرنگ کا نشانہ بنا رہے ہیں۔
بہت سے اسرائيلی فوجی مشرقی غزہ سے اس وقت بھاگ نکلے جب فلسطینی مظاہرین نے صیہونی فوجیوں کی کھڑی کردہ رکاوٹوں کو عبور کرکے آگے بڑھنے کی کوشش کی۔
اسرائیلی فوج کے جنگی طیاروں نے بھی کئی بار مشرقی جبالیہ میں تحریک مزاحمت کے مورچوں پر بمباری ہے۔
فلسطین کی وزارت صحت کے مطابق غزہ اور مقبوضہ فلسطین کی سرحدوں کے قریب فلسطینیوں اور صیہونی فوجیوں کے درمیان ہونے والے جھڑپوں میں کم سے کم 50 فلسطینی شہید اور دوہزار سے زائد زخمی ہوئے ہیں۔
امریکہ نے جب سے بیت المقدس کو اسرائیل کا دارالحکومت تسلیم کیا ہے اس وقت سے آج تک ہونے والے صہیونیت مخالف مظاہروں کے دوران سو سے زائد فلسطینی شہید اور کئی ہزار زخمی ہوچکے ہیں۔
