ڈی آئی خان : حکومت کی طرف سے اعلان کردہ شہداء پیکج کے مطابق امداد فراہم کی جائیگی ‘ ، کمشنر ڈیرہ

شیعیت نیوز: ڈیرہ اسماعیل خان میںکمشنرڈیرہ عبدالغفور بیگ نے کہا ہے کہ 2013سے لیکر 2018 اب تک ٹارگٹ کلنگ اور دہشتگردی کے واقعات میں شہید ہونیوالوں کی امداد کیلئے چیف سیکرٹری خیبرپختونخواہ کی ہدایت پر ضلع ڈیرہ اسماعیل خان اور ضلع ٹانک کے ڈپٹی کمشنر کے پاس 10 دن کے اندر اپنے مکمل کوائف جمع کرائے جائیں۔

ان خیالات کا اظہار انہوں نے اپنے دفتر میں میڈیا سے گفتگو کرتے ہوئے کیا کمشنر ڈیرہ عبدالغفور بیگ نے کہا کہ کوائف جمع کرانے والے شہداء کے ورثاء کو حکومت کی طرف سے اعلان کردہ شہداء پیکج کے مطابق امداد فراہم کی جائیگی

انہوں نے کہا کہ ڈویژنل انتظامیہ عوام کے مسائل کے حل کیلئے سنجیدہ کوششیں کررہی ہے۔ عوام کو اب تبدیلی نظر آئے گی سرکاری محکمے عوامی مسائل کے حل کیلئے بلاتاخیر اقدامات کریں تاکہ عوامی منصوبوں کے اثرات عوام تک پہنچ سکیں۔