اعظم طارق قتل کیس ، عدالت نے علامہ سبطین کاظمی کو باعزت بری کردیا

شیعیت نیوز: انسداد دہشتگردی عدالت نے اعظم طارق قتل کیس میں علامہ سطبین کاظمی کو بری کر دیا۔ مولانا سبطین کاظمی کو گیارہ مئی دو ہزار سترہ کو بےنظیر انٹرنیشنل ایئرپورٹ سے گرفتار کیا گیا تھا۔ عدالت میں اعظم طارق کیس کی سماعت جج شاہ رخ ارجمند نے کی، جس میں علامہ سبطین کاظمی اور انکے وکیل سکندر گیلانی پیش ہوئے جبکہ گواہان عالم طارق اور راشد فاروقی آج بھی پیش نہ ہوئے۔ عدالت نے علامہ سبطین کاظمی کے وکیل کی درخواست پر انہیں بری کرنے کا حکم دے دیا۔ واضح رہے کہ سابق رکن قومی اسمبلی کالعدم جماعت کا سرغنہ اعظم طارق کو 6 اکتوبر 2003ء کو اسلام آباد کے پوش سیکٹر میں ملزمان نے فائرنگ کرکے قتل کر دیا تھا۔